8
1 Tsaw ra ai hpu nau ni e, Makedoni mung na hpung ni hpe Karai Kasang
gaw hpa baw chyeju jaw sai ngu ai
lam nanhte hpe anhte chye shangun
mayu ga ai.
2 Shanhte hkam lai wa sai tsin-yam tsindam ni hta shanhte n htum n ni
dinglik hkrum ma ai; rai ti mung
shanhte a kabu gara ai myit nachying
kaba nga malu ai rai nna shanhte
gaw grai matsan mayan re ai ni
rai ma ti mung, shanhte a jaw ya
ai lam hta shadawn shadang n nga
ai tsaw ra shawang myit rawng nga
ma ai.
3 Dai hpung ni gaw, shanhte hta rai lu ai made jaw ya ma ai lam ngai
nanhte hpe hkrak sha sakse hkam
nga nngai.
4 Shanhte gaw Yuda mung na Karai Kasang a masha nia 8:4: Karai Kasang
a masha ni: (TEV); KJV hta chyoi pra
ai ni saints Yesu a sai hte shachyoi
shapra da sai ni, mari da sai ni ngu
ai lachyum re. hpe karum madi shadaw
ai lam hta shang lawm mayu ma ai rai
nna, shang lawm lu na ahkang jaw ya
na matu shanhte a myit hku nna shanhte
akroi anoi hpyi nem ma ai.
5 Shanhte gaw anhte myit mada ai hta grau lai hkra jaw ya ma ai. Shanhte
gaw shawng nnan tinang a hkum nan
hpe dai Madu hta sak nawng ma ai.
Dai hpang Madu a myit ra ai lam hte
maren, karum shingtau ai lam hta ap
nawng ya mi ai.
6 Dai re ai majaw shawng kaw nna lit la galaw nga sai Titu hpe ndai alu hte
seng nna nanhte a laksan tsaw ra
shawang myit hte daw jau ai amu ngut
kre hkra nanhte hpe karum u ga, anhte
shi hpe shadut gaw ai.
7 Nanhte gaw makam masham lam hta, mung sumtu hta, hpaji machye machyang lam
hta, nanhte a karum mayu ai shawang
myit hta, anhte hpe tsaw ra ai lam
hta, nanhte hkum tsup law htam nga
manit dai. Dai rai nna ndai tsaw ra
shawang myit hte daw jau ai amu hta
mung, nanhte ndaw nhta alu jaw na
hpe anhte ra sharawng ga ai.
8 Ning ngu tsun ai gaw hkang da ai tara ni hpe jahkrat da nga nngai n rai.
Kaga masha ni a karum madi shadaw ai
lam hta tsaw ra shawang myit gade
daram galu kaba ai hpe tsun dan ai
hte nanhte a tsaw ra shawang myit
gade jet ai ngu ai hpe chye lu na
matu tsun ai rai nga ai.
9 Nanhte gaw anhte a Madu Yesu Hkristu a chyeju hpe chye nga myit dai; Madu
Yesu gaw shi sut su nga ai rai ti
mung, nanhte a matu mara shi hkum
nan hpe matsan masha shatai nu ai,
shi a matsan mayan hkrum ai a majaw
nanhte sut su wa manit dai.
10 Ndai alu jaw ai lam hte seng nna ngai myit ai hku nga yang, lai wa
sai shaning hta nanhte galaw hpang
da sai amu hpe ya galaw shakre yang
nanhte a matu mai kaja na re. Nanhte
gaw shawang myit hte jaw mayu ai myit
shawng rawng ai ni sha n rai, alu
shawng jaw ya ai ni rai nga myit
dai.
11 Dai re ai majaw, dai bungli hpe matut galaw nna shangut shakre
kau mu! Nanhte gaw dai amu hpe
maw mawn sa wa ai hta myit rawt
sharawng awng ai hte maren, nanhte
lu lawm ai hta hkan nna myit rawt
let galaw shangut mu.
12 Nanhte hta jaw ya mayu ai shawang myit rawng ai rai yang, Karai Kasang
gaw nanhte a rai lu ai made jaw ya
ai kumhpa hpe hkap la na ra ai.
Nanhte n rai lu ai hpe Karai Kasang
hpyi na n rai.
13 Hpa majaw nga yang, nanhte hpe lit shali ya nhtawm kaga masha ni a lit
hpe shatsang ya na matu ngai galaw
nga ai n rai.
14 Rai ti mung ya aten hta nanhte nhpaw n-ya lu nga myit dai majaw ra kadawn
nga ai ni hpe karum madi shadaw na
matu htap htuk nga ai. Lani mi na
aten hta shanhte nhpaw n-ya lu nna
nanhte ra kadawn nga yang, shanhte
mung nanhte hpe bai madi shadaw na
mara ai. Ndai hku nna shada da maren
mara karum hkat lu nga ai.
15 Chyum laika hta, ?Law law mahkawng shinggyin la lu ai wa mung ladu lai
hkra jan nna lu ai n rai, loi mi sha
mahkawng shinggyin la ai wa mung mala
la n law ai sha mahkawng shinggyin la
lu ai n rai,? nga nna tsun da ai hte
maren rai nga ai.Ref 8:15: Pru 16:18.
16 Nanhte hpe karum madi shadaw na matu anhte hta myit rawt sharawng awng ai
lam rawng ai zawn, Titu hta mung
rawng shangun ai Karai Kasang a
chyeju hpe gade shakawn shagrau
shara rai nga a hka!
17 Titu gaw anhte hpyi lajin ai ga hpe hkap la ai hta n ga, karum na shawang
myit nan mung shi hta rawng nga ai
rai nna nanhte hpang de sa na matu
tinang myit hte tinang dai myit daw
dan wu ai.
18 Dai kabu gara shiga hkaw tsun ai amu gun hpai ai lam hta hpung ni yawng e
kam kaba da ai hpu nau wa langai mi
hpe mung, anhte shi hte rau shangun
dat ga ai.
19 Dai hta sha n ga, ndai tsaw ra myit hte daw jau ai alu gumhpraw lahkawn ai amu
hta anhte hte rau hkawm sa na matu hpung ni
e lata la nna san da hkrum ai wa mung
shi rai nga ai. Dai lam gaw Madu a
hpung shingkang shadan jahkung na hte
anhte a karum mayu ai shawang myit hpe
madun dan na matu rai nga ai.
20 Ndai sharawng shara jaw ya ai shawang kumhpa hpe jum lang ai lam hta kadai
mung anhte hpe mara shagun shara n
nga u ga sadi nga ga ai.
21 Dai Madu a man e sha n rai, masha a man e mung, teng man htap htuk ai amu
galaw na gaw anhte a yaw shada ai lam
nan rai nga mali ai.Ref 8:21: Gsh 3:4;
Rom 12:17; Hpl 4:8; 1Pe 3:12.
22 Dai re ai majaw anhte gaw dai hpu nau yan hte rau kaga Hkristan hpu
nau langai mi hpe mung shangun dat
ga ai. Dai wa hpe anhte law law
lang chyam yu yang, shi gaw galoi
mung sharawng awng ai hte karum chye
ai wa rai nga ai hpe mu lu ga ai.
Ya shi gaw nanhte a ntsa e kam kaba
ai myit grai wa rawng nga ai rai
nna, karum mayu ai shawang myit
grau nna katu nga lu ai.
23 Titu hte seng nna tsun ga nga yang, shi gaw nye a shingdep shingtau rai
nna nanhte hpe karum na matu ngai
hte rau amu jawm galaw ai wa rai
nga ai; shi hte rau hkan nang sa
wa ai kaga hpu nau yan gaw hpung
ni a kasa ni rai nna, Hkristu a
hpung shingkang dan hkung shangun
ai yan mung rai nga ma ai.
24 Dai majaw nanhte hte seng nna anhte arawng la nna gumrawng ai lam gaw
teng nga ai lam hpung ni yawng hkrak
chye lu mu ga, shanhte hpe nanhte a
tsaw ra myit madun dan mu.