13
1 Ya ngai gaw nanhte hpang de masum lang ngu na bai du sa wa na nngai. Chyum
laika hta mung, ?Mara shagun da ai
lam langai ngai hpe chye ya ai sakse
lahkawng, shing n rai lahkawng hta
jan ai sakse ni a ga hte shagrin da
lu na rai nga ai,? nga nna tsun da
nga ai.Ref 13:1: 2Ko 12:14;
Bhk 35:30; Trj 17:6; Yhn 8:13.
2 Shawng de yubak galaw lai wa sai ni hte kaga ni yawng hpe ngai tsun mayu
nngai. Dai hpe shawng de lahkawng
lang ngu na nanhte hpang de sa du ai
shaloi mung ngai tsun ni ai hte maren,
ya nanhte hte tsan gang nga ai ten
hta mung ngai kalang mi bai tsun na
nngai. Dai gaw hpang na lang ngai bai
sa du ai shaloi nanhte langai mi mung
jeyang ari jaw ai hta na lawt lu na
n rai.
3 Hkristu gaw ngai hta e ga shaga ai lam sakse ni hpe nanhte ra ai made mu lu na
marin dai. Hkristu gaw nanhte hte matut
mahkai amu galaw ai shaloi, shi gaw
gawng kya nga ai n rai. De a malai shi
a n-gun atsam hpe nanhte hta e madun
dan na ra ai.
4 Kaning rai nme law shi gaw n-gun kya ai madang hta wudang hta jen sat kau
ai hkrum tim, Karai Kasang a n-gun
atsam hte ahkrung nga ai. Anhte mung
Hkristu hte langai sha tai ai a jaw e
n-gun kya nga ga ai. Rai ti mung nanhte
hte matut mahkai ai lam hta anhte gaw
Hkristu hte rau ahkrung nga ga ai a
jaw e Karai Kasang a n-gun atsam hpe
jawm hkam la na ga ai.
5 Nanhte gaw dai makam masham hta asak hkrung nga ai ni rai n rai mu chye
lu na matu tinang hkum hpe san jep
nna jeyang yu nga mu. Nanhte tsep
kawp sum hkrum ai ni n rai myit yang
gaw, Hkristu Yesu nanhte hta nga nga
ai lam hpe nanhte teng sha chye lu
na myit dai.
6 Anhte gaw hkrat sum ai ni n re ai hpe nanhte chye na re ngu nna ngai
kam nngai.
7 Nanhte gaw shut ai lam hpe n galaw myit ga, ngu nna anhte Karai Kasang
kaw akyu hpyi ga ai. Dai gaw, anhte
chyam dinglik ai hpe awng dang ai
lam madun dan na matu n rai, anhte
ni gaw hkrat sum mat ai ni zawn san
ti mung, nanhte teng man ai hpe galaw
lu myit ga she hpyi ya nga ga ai.
8 Hpa majaw nga yang, anhte gaw teng man ai lam hte nhtan shai ai hpa
mung n galaw ga ai, teng man ai lam
a maga de sha tsap ga ai.
9 Dai rai nna, anhte gawng kya nga nna nanhte n-gun ja nga yang, anhte kabu
gara ga ai. Shing rai nanhte hkum
tsup ai ni rai wa myit ga mung anhte
akyu hpyi nga ga ai.
10 Nanhte hte tsan gang nga yang ngai ndai laika hpe ka ai lam gaw, ngai
nanhte kaw du sa ai shaloi Madu ngai
hpe jaw da ai ahkang aya hpe sheng
mareng di nna n jai lang ra na matu
rai nga ai. Dai ahkang aya gaw nanhte
hpe sharun shabya kau na matu n rai,
nanhte hpe gaw gap na matu she rai
nga ai.
11 Nye a hpu nau ni e, ya anhte shakram dat ga ai, nanhte yawng ngwi pyaw nga
myit ga law! hkum hkum tsup tsup rai
nga lu hkra matut nna shakut shaja nga
mu. Nye a hpyi lajin ai ga ni hpe madat
mara nna shada da myit hkrum nga let
ngwi pyaw sim sa ai hku nga nga mu.
Tsaw ra myit rawng ai hte ngwi pyaw
shangun ai Karai Kasang gaw nanhte hte
rau nga nga na ra ai.
12 Nanhte shada da shinggyim nau na myit hte pup shakram hkat mu.
Karai Kasang a masha ni yawng gaw nanhte hpe shakram dat ma ai.
13 Madu Yesu Hkristu a akyu ara Karai Kasang a tsaw ra n-gaw n wai ai hte
Chyoi Pra ai Wenyi a kanawn mazum ai
gaw, nanhte mahkra hte rau anga nga
u ga law.