11
1 Ngai loi mi angawk ai mara hpe nanhte sharang ya mi ga ngai ra nga nngai.
Chyeju hte kaja wa sharang ya mi.
2 Karai Kasang gaw nanhte a ntsa e nsu nnawn myitb 11:2: Nsu nnawn ai
myit: Jealous manawn masham ai myit
myu mi; ga shadawn, tinang a masha wa
kaga wa kaw lawm mat na hpe n ra ai,
n ja ai, Tinang hte tinang tsaw ra ai
wa a lapran e kaga shajan langai mi
shang wa na hpe tsep kawp n hkam sharang
lu ai myit re. rawng nga ai zawn ngai
mung nanhte a ntsa e nsu nnawn myit
rawng nga nngai. Nanhte gaw Hkristu shi
nan hte sha hkungran na matu ngai ga
sadi jaw da sai hkawn sek hte bung nga
myit dai.
3 Ewa gaw lapu a hpaji rawng ai zai byeng-ya hte masu hkalem hkrum ai zawn, nanhte mung nanhte a myit mang ai lam jahten
kau hkrum nna, nanhte a hpring tsup nna
san seng ai myit hte Hkristu hta maju
jung kam sham daw jau ai lam hpe kau
da na myit tsang nga nngai.Ref 11:3:
Gal 3:4; Yhn 8:44; Heb 13:9; 2Pe 3:17.
4 Hpa majaw nga yang, nanhte hpang de masha langai ngai sa du nna anhte n
hkaw dan yu ai kaga Yesu langai mi
a lam hkaw dan ai shaloi, nanhte gaw
kabu gara hkap la myit dai, bai nanhte
gaw anhte kaw na hkap la lu sai wenyi
hte kabu gara shiga hte tsep kawp
nhtan shai ai wenyi hte kabu gara
shiga hpe hkap hkalum la nga manit
hka!
5 Ngai gaw dai nanhte a kaba htum ai kasa ni ngu nna shagrau da ai kasa
ni hta kachyi mi pyi grit ai wa n
re ngu nna ngai nawn nga nngai.
6 Lama wa ngai gaw hkaw tsun shaga ai lam hta n kung ai wa rai hkra rai ti
mung, kaja wa chye chyang ai lam hta
gaw dai zawn n rai, anhte gaw aten
shagu mabyin masa lam yawng hta ndai
lam nanhte hpe asan sha mu chye
shangun saga ai.
7 Ngai gaw nanhte hpe shagrau shatsaw na matu ngai hkum nan hpe shagrit kau nna,
jahpu n hpyi ai sha Karai Kasang a kabu
gara shiga nanhte hpe hkaw dan ni ai.
Shing rai galaw ai gaw ngai hta shut
ai lam rai ni?
8 Ngai nanhte kaw amu gun hpai nga ai ten hte hta kaga buga hpung ni ngai hpe madi
shadaw ma ai, dai gaw nanhte hpe karum
la na matu kaga buga hpung ni kaw na
ngai mya la ai re ngu ga.
9 Dai hta n ga, ngai gaw nanhte hte rau nga nga ai ten e ja gumhpraw ra wa ai
shaloi karum la na matu ngai nanhte
hpe n shatsang nngai. Makedoni
mung na sa du ai hpu nau ni chyawm
gaw ngai ra mara a matu la sa wa ya
ma ai. Lai wa sai ten hta mung, nanhte
hpe lit n shali nngai zawn, du na ra
ai ten hta mung nanhte hpe ngai galoi
mung lit n shali na nngai.Ref 11:9:
2Ko 12:13-14,16; Hpl 4:10,15-18; 1Ht 2:9.
10 Hkristu a teng man ai ga ngai hta rawng nga ai hte maren, ndai nye
a gumrawng ai lam hpe Ahkaia mung
shara shagu hta kadai mung jasim
shangap kau ya lu na n rai, ngu
nna ngai ga sadi jaw nngai.
11 Ngai ning nga nna tsun ai gaw, ngai nanhte hpe n tsaw ra ai majaw rai ni?
Ngai nanhte hpe tsaw ra ai gaw Karai
Kasang chye nga ai.
12 Anhte galaw ai hte maren shanhte mung galaw ga ai nga nna kaga ?Kasa ni? tsun
gumrawng na ahkang n lu mu ga, ya ngai
galaw ai hte maren matut nna ngai naw
agalaw nga na nngai.
13 Dai masha ni gaw teng man ai ?Kasa ni? n rai ma ai. Shanhte gaw Hkristu a kasa
jet ni zawn san hkra hpyi hpun nhtawm
masu hkalem bungli galaw ai ni rai ma
ai.
14 Ning rai galaw ai gaw mauhpa n rai nga ai! Satan pyi gaw nhtoi a lamu
kasa hkrang hpe naw masu dagraw lu
nga ai!
15 Dai re ai majaw shi a shangun ma ni nan mung ding hpring ai lam hpe hkaw
tsun sakse hkam ai shangun ma ni hte
yu bung hkra hpyi hpun masu ai gaw
mauhpa n rai nga ai. Hpang jahtum e
shanhte hkan sa galaw ai hte maren
shanhte hkam la na mara ai.
16 Bai ngai kahtap tsun mayu nngai gaw, ngai hpe angawk ai wa re ngu nna
kadai mung n mai sawn la ai. Rai ti
mung, nanhte dai hku sawn la ai rai
yang mung, dik shale ngai hpe angawk
ai wa langai mi hku nna hkap la mi.
Shing rai ngai mung gumrawng ai ga
loi mi tsun na nngai.
17 Teng sha nga yang, ya ngai tsun gumrawng nga ai lam gaw Karai
Kasang tsun shangun mayu ai lam
n rai nga ai; ndai tsun gumrawng
ai lam hta ngai gaw kaja wa angawk
ai wa langai mi zawn ngai tsun nga
nngai.
18 Rai ti mung masha law law wa masha a galaw lu ai atsam hta gum rawng ma ai
majaw ngai mung gumrawng na nngai.
19 Nanhte nan hpaji nau rawng nna angawk ai ni hpe kabu gara ai hte hkam
sharang nga myit dai!
20 Nanhte gaw, nanhte hpe reng sha ai ni, nanhte a ntsa e ahkaw ahkang la ai ni,
nanhte hpe mahkam hte rim la ai ni,
nanhte hpe yu kaji ai ni, nanhte a
myi man kahpret ya ai ni kadai hpe
mung nanhte hkam mana nga myit dai.
21 Anhte gaw dai zawn re ai lam ni hpe galaw na matu gawng kya la ga ai lam
yin la na matu pyi gaw kaya saga ai!
Rai ti mung marai langai ngai lam lama ma hta gumrawng yang gaw ngai
mung angawk angak re ai wa zawn
tsun gwi da we ai.
22 Shanhte Hebre masha ni rai ma ni? Ngai mung rai nngai. Shanhte Abraham
a aru arat ni rai ma ni? Ngai mung
rai nga nngai.
23 Shanhte Hkristu a shangun ma ni rai ma ni? Mana ai wa a ga zawn gaw nga ai,
rai ti mung ngai gaw shanhte hta grau
kaja ai shangun ma rai nngai. Ngai gaw
shanhte hta grau nna amu bungli galaw
shaja nngai, shanhte hta grau nna law
law lang htawng hkrat nngai, shanhte
hta grau nna shingna hkam sha ni ai,
si hkrung si htan law law lang ngai
grau hkrum nngai.Ref 11:23:
2Ko 1:9-10; 6:4-5; 1Ko 15:10,30-32.
24 Yuda masha ni ngai hpe kalang myi kayat yang sumshi ntsin lang di nna manga lang
kayat ai hkrum ni ai.Ref 11:24: Trj 25:3.
25 Roma ni e masum lang hkawn hte adup ai mung ngai hkrum nngai; lang mi nlung
hte kabai ai mung ngai hkrum nngai;
masum lang li hten ai hta ngai lawm
ni ai; kalang mi gaw nammukdara hta
hkying hkum hkun mali waw hkawm nga
nngai.Ref 11:25: Kas 14:19; 16:22; 27,41.
26 Ngai law law lang bu hkawm sa ai hta hka tung wa nna hkrum ai tsin yam, damya
hkrum ai tsin yam, nye a Yuda amyu masha
ni di ai tsin yam, maigan amyu ni e di
ai tsin yam, mare kahtawng hkan hkrum ai
tsin yam nam mali hkan hkrum ai tsin yam,
nammukdara e hkrum ai tsin-yam, masu ai
hpu nau ni e di ai tsin yam ni hpe hkrum
katut lai wa ni ai.Ref 11:26: Kas 13:50; 14:5; 20:3; 23:10-11.
27 Bungli hte kyin dut ai, law law lang yup n lu sha ai, kaw si hpang gara hkrum ai,
law law lang, lusha dumhprut ai, shingbyi
shara n lu ai hte singgu krin re ai tsin
yam ahkrum nga nngai.
28 Dai hta kaga, hpung ni yawng hte a lam myit ru myit tsang ai gaw shani shagu
ngai hpe shadut shatsang nga ni ai.
29 Gawng kya ai wa langai ngai nga yang, ngai mung gawng kya ai hpe hkam sha
nngai, masha langai ngai yubak hta
kataw mat yang, ngai myit ru nga
nngai.
30 Ngai gumrawng na rai yang gaw, ngai gade gawng kya ai ngu ai lam hta she
gumrawng na nngai.
31 Ngai masu magaw ga n tsun ai gaw Madu Yesu a Kawa Karai Kasang chye nga ai.
Dai Madu Karai Kasang a mying ningsang
gaw tut nawng a nga u ga law!
32 Damasku mare e ngai nga ai ten hta hkawhkam Areta a npu na munggyi wa
gaw ngai hpe rim la na matu mare
chyinghka ni hta sin langa ni hpe
jahkrat da wu ai.Ref 11:32: Kas 9:24-25.
33 Rai ti mung hpung masha ni ngai hpe ka hta bang nhtawm mare bunghku hta
hpaw mahka nga ai hku langai mi kaw
nna ga de shayat jahkat dat mi ai majaw,
shi a lata na lawt mat wa nngai.