18
1 Dai hpang Pawlu gaw Ahten mare na pru nna Korinhtu mare de du ai.
2 Dai mare hta Pontu mung e shangai ai Akula mying ai Yuda la langai mi hte
hkrum wu ai; Dai wa gaw, Yuda masha
nlang Roma mare na pru wa lu na nga
nna Hkawseng Klawdi mungga shapraw dat
ai majaw, madu jan Priskila hte rau Itali
mung na htawt wa ai gade garai n na
yang,
3 shan gaw Pawlu zawn janghpang chywi sha ai ni rai nga ma ai. Dai rai nna, Pawlu gaw shan
kaw sa nna shan hte rau amu jawm galaw let
nga nga ai.
4 Bansa Nhtoi shagu tara jawng hta Yuda masha ni hpe mung, Grik masha ni hpe
mung kam sham wa hkra dai mungga lam ni
woi bawng ban tsun sang lang dan nga
ai.
5 Ya Sila yan Timohti Makedoni mung nna hkan dep du wa ma yang Pawlu gaw mungga hkaw tsun
ai amu hkrai san aten jaw nna, Yesu gaw Meshia
nan rai nga ai lam Yuda masha ni hpe sakse
hkam dan nga ai.
6 Yuda masha ni Pawlu hpe ninghkap nna shi a lam n kaja ai hku amyu myu roi n ra nga
tsun jahpoi asawng ma yang, Pawlu gaw shi a
hpun palawng kaw na nhpu ni hpe ahpu jahkrat
dan let, ?Nanhte hten byak mat ai rai
yang nanhte a mara nanhte a ntsa she rai nu
ga, ngai hta lit n nga sai. Ya kaw nna gaw,
maigan amyu ni hpang de ngai kayin mat wa na
ni ai,? ngu nna shanhte hpe tsun mu
ai.
7 Dai hpang shanhte kaw na shi pru mat wa nhtawm Karai Kasang hpe kam sham nawku ai
Yuda masha n re ai Titu Yustu mying ai wa a
nta de shang manam nga ai. Dai wa a nta gaw
tara jawng hte htep rai nga ai.
8 Krispu mying ai tara jawng agyi wa mung shi a nta masha nlang hte hpawn Madu hpe kam sham
ma ai; kaga Korinhtu masha ni law law mung,
dai mungga na la nna kam sham ai hte hkalup
hkam la ma ai.
9 Lana mi hta Pawlu shingran langai mi mu wu ai. Dai shingran hta Madu gaw Pawlu hpe,
?Hkum hkrit et, sha tsun dingyang di u,
asum hkum hkam et!
10 Hpa majaw nga yang, ngai nang hte rau rai nga nngai, nang hpe kadai mung hkra lu na
n rai, ndai mare hta nye a masha ni law law
nga ma ai,? ngu nna tsun wu ai.
11 Shing rai dai yang e Karai Kasang a mungga sharin achyin ya let, laning mi shata kru
nga nga ai.
12 Galio gaw Ahkaia mung e munggyi rai nga yang Yuda masha ni masha jahpawng la nhtawm
Pawlu hpe rim la nna tara tingnyang a man
de woi wa mu ai.
13 Shanhte gaw, ?Ndai wa jep ai tara hpe nhtan shai ai hku Karai Kasang hpe nawku na matu,
masha ni hpe woi gunglau nga ai,? nga nna
mara shagun mu ai.
14 Shaloi Pawlu ga htan na nga n-gup ap sha naw rai yang, Galio mahtang, ?Yuda masha
ni e, amu ndai tara tawt lai ai amu, n hkru
n hkra re ai amu, rai yang gaw, nanhte mara
shagun ai lam hpe myit galu ai hte hkan
madat ya na lam nga ai.?
15 Rai ti mung dai amu gaw tsun shaga ai hta lang ai ga hkum ni a lam, mying shingteng ni
hte nanhte a tara ni hte seng nna tsun
dangrang mara shagun hkat ai amu she rai
nga malit dai majaw, nanhte hkrai jeyang
daw dan la mu. Dai zawn re ai amu ni a
matu ngai tara agyi tai ya nngai n rai!,?
ngu nna Yuda masha ni hpe daru kau wu ai.
16 Shing nga nna tara tingnyang a man na shi shanhte hpe gawt shale shaden kau mu ai.
17 Shaloi shanhte nlang tara jawng agyi wa Sosteni hpe rim la nna tara tingnyang a
man e anu kayat kau mu ai. Galio chyawm
gaw, dai lam hpe hpa mung n nawn ya mu ai.
18 Pawlu gaw Korinhtu mare hta nhtoi tsawmra wa na hkra nga nga ai. Dai hpang kam sham
ai ni hpe shakram da nna Priskila yan
Akula hte rau li jawn let Suri mung de sa
wa ma ai. Karai Kasang kaw ga shaka tawn da
ai lam nga ai majaw, Kanhkeria mare kaw na
hkali hte garai n pru yang shi a baw doi kau
wu ai. Ref 18:18: Kas 21:24; Bhk 6:18; Rom 16:1.
19 Shanhte Ehpesu mare de du ma yang, Pawlu gaw Priskila yan Akula hpe dai mare hta shangam kau da wu ai. Shi gaw tara jawng de shang
nna, Yuda masha ni hte tsun bawng hkat nga ai.
20 Dai yang na masha ni shi hpe shanhte hte tawng marang mi naw nga nga na hpyi ma ti
mung shi n hkraw wu ai.
21 ?Karai Kasang hkraw yang gaw, ngai nanhte hpang de bai du na ring ngai,? ngu nna
shanhte hpe shakram da nhtawm, Ehpesu mare
kaw na li hte pru mat wa ai.
22 Ya Kesare mare de du jang, Yerusalem mare de lung wa nna, dai hpung hpe wa jahkrum nhtawm
Antioki mare de bai yu wa wu ai.
23 Dai kaw tawng marang mi nga nhtawm, shi bai pru nna Galati mung hte Hprugi mung hpe ga
lai sa wa let, kam sham ai ni nlang hpe
shadaw shangang nga ai.
24 Dai ten hte yang, Alexandru mare na Yuda masha Apolo ngu ai wa langai mi Ehpesu
mare de du sa wa ai. Shi gaw ga shaga ram
nna Chyum Laika grai chye chyang ai wa rai
nga ai.
25 Dai wa gaw Madu a lam sharin hkam la nna nachying myit lawm sharawng let, Yesu a
lam ni hpe jaw ai hku atsawm sha hkaw tsun
sharin achyin ya nga ai. Rai ti mung shi
gaw Yawhan a hkalup lam sha naw chye nga
ai.
26 Shi gaw tara jawng hta nden ja ai myit hte hkaw tsun hpang ai. Ya Priskila yan Akula
gaw shi hkaw tsun ai ga na jang, shi hpe
nta de saw shaga la nna, Karai Kasang a
mungga lam hpe grau nna jaw ai hku tsun
sanglang sharin ya wu ai.
27 Bai shi gaw Ahkaia mung de rap sa wa na myit daw dan ai rai nna, Ehpesu mare na
kam sham ai ni gaw shi a matu Ahkaia
mung na kam sham ni hpang de, Apolo hpe
hkap hkalum la na matu shachyen ya ai hte
lajin ai laika jaw dat ya mu ai. Ya shi
Ahkaia mung de du ai shaloi Karai Kasang a
chyeju hte shi gaw kam sham ai ni hpe grai
wa shadaw shangang karum mu ai.
28 Hpa majaw nga yang shi gaw shawa hte ga shaga ai hpawng ni hta Chyum Laika hta na
sakse ni madun let, Yesu gaw Meshia rai
nga ai lam Yuda masha ni hpe aja awa tsun
dangrang kapat kau nga ai.