20
Dawid rueq Rabba Ghaq kuex lvp wvnc tueq
(2Sam 12:26 -31)
1 Wawc kvyix raungluimc yac dung phaungc wvnc yaq nuex, hokhvmx bix ralx lungc ralx khvt jauz nuex Joab rueq nolaungx bix kuex shvlx vtueq Ammon mungx kuex khvt kaz tueq; Hokhvmx Dawid kuex Yerusalem ghaq nuex kvjungx kaz tueq. Joab rueq Rabba ghaqyungx kuex tuimx vtueq khvt ruiux tvbac gay tueq.Ref 20:1 2Sam 11:1
2 Ammon miqsaz rueq nawk palx yaq Molek yac yuimx khux poz htauk nuex kilogram 34 liz tanc maq vtvhungx kuimshawx khushec vshiz httax yaq. Kvruex khux phuk khushec kvyuq lungsex poshiz httax yaq, kvruex lung kuex Dawid rueq lvmz vtueq piq khushec htauk nuex tvkop tueq. Piq rueq ghaqyungx wawc vlvp hup vsvmx htenc paunghvlc kuex lvmz wvnc tueq.
3 Piq rueq ghaq miqsaz htenc kuex lvp shvlx wvnc vtueq, luit luz htenc, kojauk nuiyc muingkix htenc maq yauk tvshuimc tueq. Piq rueq kvkhoc Ammon mungx miqghaq vganc htenc wawc miq lotlaz muex tvshuimc tueq. Kvruex yimaq piq nuiyc vmiq hez kuex Yerusalem ghaq nuex yek waung tueq.
Wvyungc Wvloayc Philistin Miqsaz rulc Rvlungc tueq
(2Sam 21:15 -22)
4 Kvruex yimaq dvyx, Philistin miqsaz rulc Gezer ghaq maq rv-khvt yek tueq. Kvruex lauk nuex Husha ghaq wawc Sibbekai rueq vmuingc Sippai ngoz yaq wvyungc wvloayc miq waz kuex thvt gay koq tueq, Philistin miqsaz kuex sumx wuez tueq.
5 Philistin miqsaz rulc vganc baungshiz maq rv-khvt yek vtueq, Jair saz Elhanan rueq Gat ghaq wawc pvnc pauk pumz tanc yungx yaq paq kuex shuimc jix waz Goliat nox Lami kuex thvt gay tueq.Ref 20:5 1Sam 17:4-7
6 Gat ghaq kvyuq vganc nuex hulawx rv-khvt yek tueq, kvyuq vyauk yauk kox shix tvruk nuiyc vyaz yaz kox shix tvruk httax yaq wvyungc wvloayc miq washiz lomx tueq. Piq kuex mvnnuex pat wawc wvyungc wvloayc suiuz vsaz miq washiz rvtueq.
7 Piq rueq Israel miqsaz kuex wvlc guez waqguez tvyaungc tueq, Dawid phuz Shamma saz Yonathan rueq piq kuex thvt gay tueq.
8 Dawid nuiyc piq miq hez rueq thvt gay tueq miq waz thuimx vruex kuex Gat ghaq nuex httax jix wvyungc wvloayc jix hez suiuz vsaz tamx rvtueq.