TVTSVMC 6
1 Yehowa lex, thuinz tvkhaq vtueq ngaz kuex nauk tvtharc vkueq!
Mthuinz khvy maq ngaz muex murx nauk tvgurc vkueq!Ref 6:1 Tvts 38:1
2 Yehowa lex, ngaz kuex hunnyec hvlc httax vtaungx,
ngaz muex menjenc kuq koq!
Ngaz kuex dup sauk nulx wvnc vtaungx ningkhvnc nuex
ngaz muex hungc vlaungc koq.
3 Ngvy shauk pumz wvtaungx nuex vkuilc vdaz rvhumc vtaungx.
O Yehowa lex, ngaz muex romc kuy tvkoc mtanc nuex httuiuc laz lac bvmc phux?
4 Yehowa lex, ngaz kuex palc kaz loq;
mmenjenc thuinz maq ngaz kuex vthueyc wawc palc wvnc koq.
5 Wulumx mungx nuex mnoz muex tvmaung rvwvlc jix miq vguez;
kvruex maq uraq muinz mnoz muex tvtsvmc kvmc kuq lot shuex rvmuq.
6 Ngaz kuex yonzyex vtueq hunnyex vtaungx;
ngaz khoar vtaungx wawc svrc yaq muik phic rueq ngvy chuing hemc vtueq;
ngvy khudaung muinz muik phic rueq hemc gay tueq.
7 Ngvy ralx hez rueq ningkhvnc nuex muik tv-phuingc laz khoar vtueq,
ngvy muik maq muinz buirruimz buirraq dvyx shex khiz vshaungx.
8 Layx bac jix miq htenc lex, ngvy kox wawc kaz wvnc kuinz!
Yehowa rueq ngvy khoarc kuex tay yaq;Ref 6:8 Mat 7:23; Luk 13:27
9 vpiq rueq romc kuy tvkoc ngaz guyc thoz vshaungx tvruingc kuex tay vtueq,
ngvy vjux thoz bomc kuex tvralc kuq phuex.
10 Ngvy ralx htenc kuex yvlc svy rvhumc ruiux khushec yvmc wuez tuex;
tsuingshiq kuex vlox nuex dvyx kvmanc kvtanc yurc gay rvhumc tuex.