TVTSVMC 43
(Tvtsvmc 42 tvjuy)
1 O Tishox lex, ngaz kuex mvrax kop muq waz ngoz tueq jungx tvtay shuiuz;
kvmx muq luimx muq miqsaz kuex khawx lvlx vtueq
ngvy kox maq tvgawx naungx koq;
vrot vkaq jix nuiyc honc bac jix miqsaz htenc yauk wawc
ngaz kuex daungc wvnc koq!
2 Mnoz kuex ngvy tvkhup wungx kuy jix waz rvtoq;
ngaz kuex yvmx ngoz tueq lac mnoz rueq tuip gay vphux?
Ngvy ralx htenc rueq guirguenz yaq nuex ngaz jamjaux kuex
yvmx ngoz tueq rvhumc wvnc yek juing lac?
3 Mraungx wuic nuiyc mnoz
tsuingrux lvmx kuex tvkaz koq,
kvraq ngaz kuex shunshvlx wvnc vtueq,
mnoz vsawc ghaqluimxRef 43:3 vsawc ghaqluimx: 2:6 nuex lawc shuinz. Zion nuex mnoz httax vtuiux
Shomc Yuimx kvyuq mshvlx wvnc phueq.
4 Kvkaq O Tishox lex, mshomrawx nuex ngaz kaz lvp taungx;
mnoz kuex ngvy kokez juing kejux yuix kuiuq rvtoq.
O Tishox, ngvy Tishox lex,
ngvy torox kuex tuimz vtueq mnoz muex ngvy shic maq tvtsvmc phaungx.
5 Ngaz kuex yvmx rvtueq lac thuinbac vtaungx nyix?
Ngaz kuex yvmx rvtueq lac kuilc daz rvhumc vtaungx nyix?
Ngaz kuex Tishox muex tvluimc vtueq httax vtaungx,
ngvy palc jix nuiyc ngvy Tishox muex laukshiz hulawx tvtsvmc yek shaungx.