TVTSVMC 3
1 Yehowa lex, ngaz muex ralx paunghvlc httax yaq,
ngaz muex khawc lvlc jix paunghvlc kvtenc wuez yaq!
2 “Tishox rueq piq muex romc kuq shuex rvmuq,”
ngoz tueq tsuingshiq rueq ngvy lvmz jungx saq wuez yaq.
3 Yuq muinz O Yehowa lex, mnoz kuex kvhiz juing wawc
mkaq muinz tvkhup wungx kuq yaq ngvy lak rvtoq;
mnoz rueq ngaz muex lotlaungc wvnc kuq vtueq,
ngvy khvmc thuinz tvmvrc kuq yek phux.
4 Yehowa rueq romc kuy tvkoc ngaz rueq gvl tauk,
vpiq rueq ngaz muex vsawc ghaq luimx maq tvralc kuq phuex.
5 Yehowa rueq ngaz muex wvrx taungx tvkhup wungx kuy ningkhvnc nuex,
ngaz kuex woalc vtueq kvtsoalx lvp tauk.
6 Ngvy ralx vmunc vsenc rueq
ngaz tvroz tuimx wvnc ruiux muinz ngaz hiz mauk.
7 Yehowa lex, kaz loq! Ngvy Tishox lex, ngaz kuex palc wvnc koq!
Mnoz rueq ngvy ralx lotlaz muex murx tvgurc toq,
ngaz muex tvthuiuz sac yaq tsuingshiq hungc vlaungc kuex
mnoz rueq tv-ngawk gay toq.
8 Lotlaungc kuex Yehowa kox wawc rvtueq,
vpiq rueq vpiq miqsaz htenc htauk muex ruimx mruimx kuq shueq.Ref 3:1-8 2Sam 15:13-17:22