TVTSVMC 13
1 O Yehowa lex, mnoz rueq ngaz vruex mtanc nuex httuiuc laz lauk gay lac?
Pattup jauz lup haz? Mnoz kuex mtanc nuex httuiuc laz lac
ngvy kox wawc kvhttuiyq kaz tuiux?
2 Ngaz kuex mtanc nuex httuiuc laz kuilc daz rvhumc juing lac?
Ngvy thuinz vmungx nuex vyonz vyec kuex mtanc nuex httuiuc
laz raungnuiyq raungwvrx tvmvrc kuq phux?
Ngvy ralx htenc rueq mtanc nuex httuiuc laz lac ngaz kuex taungx gay phvnx?
3 O Yehowa ngvy Tishox lex, ngaz rueq gvl ruiux yuq lawc vtueq tvralc koq.
Ngaz muex hungc vlaungc tvmvrc kuq yek koq,
ngaz nauk tvthueyc gay vkueq.
4 Ngvy ralx hez rueq, “Naungshiq piq kuex taungx gay tiq,”
ngoz tueq nauk tv-ngoc kaz.
Ngaz rul wvnc ningkhvnc nuex
tsuingshiq muex kokez juing nauk kuq kaz.
5 Ngaz kuex phaungx ngaungx hvlc mlungwawc thuinz muex kvmx vtaungx;
mnoz rueq ngaz palc wvnc phux ngoz tueq ngaz kokez vtaungx.
6 O Yehowa lex, mnoz rueq ngaz muex kejux kuy ningkhvnc nuex,
ngaz rueq mnoz muex tvtsvmc shic maq tvtsvmc vphaungx.