TVTSVMC 129
1 Israel lex, mnoz kuex nosaz maq phuex mralx htenc rueq
mnoz muex yvmx khoc lac
guirguenz wvnc phvnx lvmx nuiyshiq muex jungx kuq koq.
2 “Ngaz nosaz jauz maq phuex,
ngvy ralx htenc rueq ngaz kuex guirguenz taruiyx wvnc
phuex, yuq muinz tsuingshiq rueq ngaz taungx lot muq.
3 Tsuingshiq rueq ngvy ruiykhuix
nuex thuiuz hvlc vmac tvmac kuq vtueq, htvyc maq vhtuz
nax ruix ikhoc yaungx tauk.
4 Yuq muinz tsuingrux waz ngoz yaq Yehowa rueq
ngaz kuex dax rullungx wawc tvdung wvnc phuex.”
5 Zion muex shuiuc pac jix htenc
wvyvmc kuex yvlc svy maq sumrumx wvnc vtueq
khvt yurc gay mrvhumc kueq.
6 Tsuingshiq lotlaz kuex yuimx wux khux nuex httuiuc vtueq
shanx thueyc wvnc tueq httuingx ikhoc m-yaungx wvnc kueq;
7 kvruex kuex uraq muinz tvjomx gay shuex rvmuq.
8 “Yehowa rueq nuimshiq muex ruimx mruimx kuq kv-phuinx!
Yehowa muingc maq nuiyshiq
rueq nuimshiq muex ruim-ruimx kuq vphix,” ngoz tueq
vhep maq lvy wvnc jix uraq muinz jungx muq rvshuex.