TVTSVMC 120
1 Ngaz kuilc daz rvhumc tauk nuex Yehowa kuex ngaz rueq gvl koq tauk,
vpiq rueq ngaz muex tvralc kuq phuex.
2 Yehowa lex, vrot kaq jix nuiyc
vlauc vlawc jix htenc yauk wawc ngaz kuex palc wvnc koq.
3 Vrot vkaq jix htenc lex, nuimshiq
muex Tishox rueq yvmx lac ruez shvnx?
Vpiq rueq nuimshiq muex yvmx murx lac tvgurc kuq shvnx?
4 Ralx waz laqsvnz httehvlc htenc,
luic hvlc wvr kuinx wvr htenc maq murx tvgurc kuq shuex.
5 Nuimshiq hvlwvl nuex ngaz httax
vtaungx kuex Meshek mungx
nuex httax vtaungx ikhoc muinz,
Kedar miqsaz htenc hvlwvl nuex httax vtaungx ikhoc muinz gvrx tsvrx yaq.Ref 120:5 Meshek nuiyc Kedar: Ghaqnueyc kuex yalc hvlc rvtueq, kvruex yuq httaz jix miqsaz kuex yvmx muinz tuiuz thenc muq rumz miqsaz ngoz tueq ngoz yaq.
6 Ngaz kuex nomic lvmx shuiuc jix
miqsaz rulc vdvmz loayc hvlc httax ngaungc wvnc tauk!
7 Ngaz rueq nomic lvmx jungx koq
tueq, tsuingshiq rueq ralx rvkhvt tvkoc jungx wuez tueq.