TVTSVMC 118
1 Yehowa kuex vhvlx ningkhvnc nuex vpiq muex kejux vyungx ngoz shuinz,
vpiq lungwawc pattup pat-sac phaungx ngaungx yaq.Ref 118:1 1Tvts 16:34; 2Tvts 5:13; 7:3; Ezra 3:11; Tvts 100:5; 106:1; 107:1; 136:1; Yer 33:11
2 “Vpiq lungwawc kuex pattup phaungx ngaungx yaq,”
ngoz tueq Israel miqsaz htenc rueq mjungx wuez shueq.
3 “Vpiq lungwawc kuex pattup phaungx ngaungx yaq,”
ngoz tueq Tishox shomc waz hez rueq mjungx wuez shueq.
4 “Vpiq lungwawc kuex pattup phaungx ngaungx yaq,”
ngoz tueq vpiq muex jix lotlaz rueq mjungx wuez shueq.
5 Ngaz jamjaux rvhumc vtaungx nuex Yehowa kuex ngaz rueq gvl tauk;
vpiq rueq ngaz muex tvralc kuq ruiux tvdung wvnc phuex.
6 Yehowa kuex ngaz rulc roc nuex httax yaq ningkhvnc nuex
ngaz yvmx muex muinz hiz mauk;
uraq lac ngaz kuex yvmx khoc lac rvlot phvnx?Ref 118:6 Heb 13:6
7 Yehowa kuex ngaz muex romc kuy jix waz ningkhvnc nuex,
ngvy ralx htenc sumrumx wvnc tuex kuex ngaz rueq khiz shaungx.
8 Miqsaz nuex kvguing kvgawx tix
htauk nuex Yehowa muex tvluimc shix kuex vhvlx pinhtumc rvtueq.
9 Miqsaz walaungx bix muex kv-guing kvgawx tix htauk nuex
Yehowa muex tvluimc shix kuex vhvlx pinhtumc rvtueq.
10 Ralx paunghvlc rueq ngaz kuex tuimx wvnc ruiux muinz;
Yehowa luimc vkawc maq ngaz rueq tsuingshiq kuex tvbac lot vshaungx!
11 Tsuingshiq rueq ngaz kuex baung
ruip saz maq tvroz tuimx wvnc ruiux muinz,
Yehowa luimc vkawc maq tsuingshiq kuex ngaz rueq tvbac gay lot vshaungx!
12 Tsuingshiq kuex nyaq ikhoc ngaz
kox nuex kvtuimx wvnc ruiux muinz, shuiuq jungx khamc
gay yaq ikhoc tsuingshiq kuex htat htat khamc gay yaq;
Yehowa luimc vkawc maq ngaz rueq tsuingshiq kuex tvbac gay tauk.
13 Ngaz kuex songhvlc khvt wvnc
rvhumc vtueq sumrumx wvnc dvnc vshaungx,
yuq muinz Yehowa rueq ngaz muex romc kuq phuex.
14 Yehowa rueq ngaz muex luimc vkawc yunghvlc nuiyc hungc vlaungc tvmvrc kuq vtueq;
vpiq rueq ngaz palc wvnc phuex.Ref 118:14 Dw 15:2; Esa 12:2
15 Tishox miqsaz tap htenc nuex
kokez juing nuiyc palc daungc wvnc juing thuic bomc dung yaq:
“Yehowa rueq luimc vkawc hungc
maq vwangc juing kuex shuimc wvnc tueq!
16 Vpiq luimc vkawc maq naungshiq
muex tvtaungx wvnc lvmx kuq phuex,
vpiq luimc vkawc maq ralx kuex khvt taungx gay tueq!”
17 Ngaz kuex thueyc wvnc taungx rvmuq, kvkhoc tvraung, ngaz tvraungx httax vtueq,
Yehowa rueq shuimx wvnc tueq yauk shuimc htenc kuex jungx tvkhic kuq shaungx.
18 Vpiq rueq ngaz kuex songhvlc maq murx tvgurc phuex,
yuq muinz vpiq rueq ngaz kuex tvthueyc gay muq.
19 Ngvy tvkoc Shomc Yuimx kaluix kuex daz kuq koq;
ngaz nyuip wvnc vtueq Yehowa kejux kuex tvtsvmc shaungx!
20 Vruex kaluix kuex Yehowa kaluix
khuec nuex tsuingrux jix bix dvyx nyuip lvp tuex.
21 Yehowa lex, mnoz rueq ngaz muex tvralc kuq vtueq,
ngaz muex tvtaungx kuy ning-khvnc nuex ngaz rueq mnoz muex tvtsvmc vphaungx.
22 Yuimx guirc jix htenc rueq vtvdux
gay lung kuex lotlaz muex vkhek pinhtumc vshuk htung
muex yaungx wvnc tueq.Ref 118:22 Luk 20:17; Kamx 4:11; 1Pet 2:7
23 Vruex kuex Yehowa rueq vshuimx yauk shuimc rvtueq;
kvruex kuex naungshiq khaung-kac nuex vwangc juing yaungx kaz nyix!Ref 118:22-23 Mat 21:42; Mak 12:10-11
24 Vruex raungnuiyq kuex Yehowa
rueq taungx wvnc tueq raungnuiyq rvtueq;
naungshiq vkoz vkez maq tv-tsuingc tvy moalx tvhungx wuez ix!
25 Yehowa lex, nuiyshiq kuex palc
wvnc koq, nuiyshiq kuex palc wvnc koq!
O Yehowa lex, nuiyshiq muex tvtaungx wvnc kuq koq!Ref 118:25 Mat 21:9; Mak 11:9; Yoh 12:13
26 Yehowa muingc maq httuiuc kay jix waz muex Tishox rueq ruimc mruimx kuq shueq!
Yehowa Shomc Yuimx maq nuiyshiq rueq mnoz muex tvtsvmc vshix.Ref 118:26 Mat 21:9; 23:39; Mak 11:9; Luk 13:35; 19:38; Yoh 12:13
27 Yehowa kuex Tishox rvtueq; vpiq
rueq naungshiq muex kejux kuq yaq.
Nuimshiq yauk htenc nuex namtuz kuex shuimx wuez vtueq
moalx phaungc wvnc yaq nuex shomrawx kuex tvroz khuemx kuinz.
28 Mnoz kuex ngvy Tishox rvtoq ngaz
rueq mnoz muex kejux vyungx ngoz vphaungx;
Mnoz yungx luz vtuiux lvmx kuex ngaz rueq jungphvnx vshaungx.
29 Vpiq vhvlx ningkhvnc nuex Yehowa muex kejux vyungx ngoz shuinz;
vpiq lungwawc kuex pattup phaungx ngaungx yaq.