TVTSVMC 113
1 Yehowa muex tvtsvmc wuez shuinz!
Yehowa nvrc waz hez lex,
vpiq muingc kuex tvtsvmc wuez shuinz!
2 Vpiq muingc kuex majuiuc vmaq
phaungc vtueq rullungx wvlex mtvtsvmc wuez shueq.
3 Shalx dung yaq maq shalx nyuip wvnc nuex httuiuc laz,
Yehowa muingc kuex tvtsvmc wuez shuinz!
4 Yehowa rueq miqphvnx lotlaz htauk nuex guimz lawc yaq;
vpiq ngauz vngax kuex raungmungx nuex phelez yaq.
5 Yehowa naungshiq Tishox rulc rv-ngvlc jix washiz muinz vguez.
Vpiq kuex raungwawc johvlc baung nuex httax yaq,
6 yuq muinz raungx nuiyc ghaq kuex khiz laz bumx vtueq lawc yaq.
7 Vpiq rueq htemc saz jix htenc kuex bokkhuyx wawc tenz ruiux;
rax yaq jix htenc kuex vgvrx vtsvrx rvhumc yaq wawc tenz wvnc vtueq,
8 tsuingshiq kuex hokhvmx sahez rulc kungjix tvyaungc ruiux,
vpiq miqsaz htenc hokhvmx sahez muex romc kuy kungjix tvyaungc tueq.
9 Vpiq rueq saguez adum nyuiuz
yuimx nuex piq muex tvtsanc nganc vtueq;
vsuiuz vsaz tvlvp ruiux tvkoz kez tueq.
Yehowa muex tvtsvmc wuez shuinz!