2
Vwaruiuz Tv-phvnc Jerak Tec tueq
1 Yehowa rueq Moshe nuiyc Arun muex vkhoc tvkhic jungx kuq tueq.
2 Israel miqsaz rueq jerak tec ruiux yuq, miqmac nuex seng yaq gongx nganc dvmx nuiyc miqmac waruiuz nuex seng yaq nganc dvmx hep kvyuq tvhungx rax. Jerak kuex Tap tvroz nuex tvhungx rax.
3-9 Shaldungc kox nuex kuex Yuda gongx nuex seng yaq nganc dvmx hep kvyuq, vgongx kvruex tv-phvnc miqmac walaungx rulc jerak tec naungc kuex vkhoc ruec rax:
Yuda phvnx kuex lvmx khux nuex kay rax.
10-16 Ghaqyaz kox nuex kuex Ruben gongx nuex seng yaq nganc dvmx hep kvyuq, vgongx kuex tv-phvnc miqmac walaungx rulc jerak tec naungc kuex vkhoc ruec rax:
Ruben phvnx kuex lombot nueyc nuex kay rax.
17 Max nuex kay jix nuk nueyc nuiyc yix nuex kaz yaq nuk nueyc kvruex hvlwvl kvyuq Lewi phvnx rueq Tap kvruex gurx pix vtueq kay rax. Phvnx shiz maq phvnx shiz rueq jerak tec wuez ruiux yuq, miqmac nganc dvmx hep nuex tvhungx yaq kuex tv-phvnc kay wuez rax.
18-24 Shalx nyuip kox Ephraim phvnx nuex seng yaq nganc dvmx hep kvyuq vgongx kuex tv-phvnc miqmac walaungx rulc jerak tec naungc kuex vkhoc ruec rax.
Ephraim phvnx kuex lombot thuimx nuex kay rax.
25-31 Ghaqkhux kox Dan phvnx nuex seng yaq nganc dvmx hep kvyuq, vgongx kuex tv-phvnc miqmac walaungx rulc jerak tec naungc kuex vkhoc ruec rax.
Dan phvnx kuex yix tvsuip nuex kay naungc rax.
32 Israel miqsaz nolaungx daungx tv-phvnc nuiyc vphvnx tv-phvnc miq muingc wvlc lotlaz kuex 603,550 rvtueq.
33 Yehowa rueq Moshe muex nvr tueq rulc rv-ngvlc Lewi phvnx kuex miq muingc wvlc tvtsuingc tvy nuex lomx muq doc.
34 Yehowa rueq Moshe muex nvr tueq rulc rv-ngvlc Israel miqsaz rueq shuimx kaz wuez tueq. Tsuingshiq kuex miqmac muex seng yaq nganc dvmx hep nuex jerak tec wuez tueq, miqmac waruiuz kvruex tv-phvnc tsuingshiq kaz wuez tueq.