15
1 Yuda phvnx wawc vtaungx htenc rueq vlvp ghaqphux kuex vkhoc rvtueq:
Ghaqyaz kox nuex Edom mungx ghaqruiy rulc rvnvp shauk rvtueq Zin ghaqshanx tvnx tvsuip nuex httuiuc laz rvtueq.
2 Ghaqyaz kox ghaqruiy kuex Yuix Maungx Jumx yaz tvsuip maq raz tueq,
3 ghaqyaz kox Akrabim kanx Hvl maq yanz wvnc vtueq Zin nuex httuiuc tueq. Kvmaq raz tueq Kadesh Barnea maq ghaqyaz kox nuex kaz vtueq Hezron ghaq maq yanz wvnc ruiux, Addar kox nuex duiz wvnc vtueq Karka kox nuex kvroz ruiux,
4 Azamon nuex httuiuc tueq, kvmaq raz tueq Ejip mungx ghaqruiy wawc yuix saz ruilx kuex phvnx vtueq svmuktvrax Mediteranean nuex tvsuip tueq. Kvruex kuex Yuda mungx ghaqyaz kox ghaqruiy rvtueq.
5 Shaldungc kox ghaqruiy kuex Yuix Maungx Jumx yaz tvsuip maq Yodan ruilx dungc nuex httuiuc laz rvtueq.
Ghaqkhux kox ghaqruiy kuex,
6 Bet Hogla maq duiz wvnc vtueq, Yodan Warc tvnx kvkhic yaq ghaqkhux kox wawc kanx laungx nuex httuiuc laz rvtueq. Kvruex maq raz tueq Bohan Lungshungc nuex (Bohan kuex Ruben saz rvtueq) httuiuc tueq.
7 Kuilc daz Warc tvnx maq Debir ghaq nuex duiz woz tueq, kvmaq raz tueq warc tvnx yaz nuex httax yaq Adummim kanx Hvl rulc khaungx rvralc Gilgal ghaq httax yaq ghaqkhux kox nuex kvroz wvnc tueq. Kvmaq raz tueq Enshemesh yuix dungc maq duiz wvnc vtueq Enrogel nuex tiq,
8 Jebusi miqsaz httax yaq Yerusalem ghaqyungx maq ghaqyaz kox nuex httax yaq kankhux wawc Hinnom Warc tvnx nuex tiq rvtueq. Kvruex yimaq Hinnom Warc tvnx maq shalx nyuip kox kanx laungx kuex yanz wvnc vtueq, Rephaim Warc tvnx ghaqkhux kox tvsuip nuex tiq.
9 Ekvmaq raz tueq Nephtoa yuix saz Ruilx nuiyc Ephron Kanx hep wawc ghaqyungx htenc kuex yanz wvnc vtueq Bala (rvmuq ngoz ruiux Kiriat Jearim) nuex kvroz wvnc tueq,
10 Bala maq shalx nyuip kox nuex tvkomc wvnc vtueq, Edom kuz hong nuex tiq rvtueq, Jearim Kanx (rvmuq ngoz ruiux Kesalon), maq ghaqkhux kox nuex kaz vtueq Bet Shemesh nuex svt kaz ruiux Timna yanz laq tueq.
11-12 Kvmaq Ekron maq ghaqkhux kox kanx hong nuex kaz vtueq Shikkeron nuex kvroz wvnc vtueq, Bala Kanx kuex yanz wvnc ruiux Jamnia nuex tiq rvtueq, shalx nyuip kox wawc ghaqruiy kuex Svmuktvrax Mediteranean nuex suip tueq. Yuda taungx hez htenc kuex vruex ghaqruiy mungx nuex httax wuez yaq.
(Phoc 1:11-15)
13 Yehowa rueq nvr tueq rulc rv-ngvlc Yoshua rueq Yuda phvnx wawc Jephunne saz Kaleb muex Yuda mungx wawc wvyvmc kuex kuq tueq. Piq rueq Anak waz Arba rueq guimz yaq Hebron ghaqyungx kuex lvp tueq.Ref 15:13-14 Phoc 1:20
14 Kaleb rueq Anak suiuz vsaz rvtueq Sheshai, Ahiman nuiyc Talmai waruiuz htenc kuex ghaqyungx wawc yurc gay tueq.
15 Piq rueq kvruex maq hulawx Debir kuex khvt kaz tueq. (Mvnnuex Debir ngoc Kiriat Sepher ngoz tueq.)
16 Kaleb rueq, “Kiriat Sepher ghaq kuex khvt taungx jix waz muex isaz Aksa kuex kuq shaungx,” ngoz tueq.
17 Kaleb nox Kenaza saz Othniel rueq kvruex ghaq kuex khvt taungx gay koq tueq, vsaz Aksa kuex lvmz kuq tueq.
18 Rvlvmc moalx raungnuiyq Othniel rueq Aksa muex ngoc m-waz kox wawc wuik dvmc shiz thoz shuiuz ngoz tueq jungx tueq. Aksa kuex loze htauk maq svt kaz koq tueq, Kaleb rueq mnoz muex yvmx lac rax yaq nguinx ngoz tueq wiz tueq.
19 Vsaz rueq, “Mnoz rueq yauk noalc vkuq ghaqphux kuex ghaqshanc hvlc baung yaungx kaz, yuix saz jumx wawc tauk kuq koq,” ngoz tueq thoz tueq. Kvkhoc rvtueq Kaleb rueq htauk wawc nuiyc kaq wawc yuix saz jumx kuex kuq tueq.
20 Vruex htenc kuex Yuda phvnx wawc vtaungx htenc tvkoc ghaqphux rvtueq:
21 Edom mungx ghaqruiy rulc rvnvp shauk, ghaqyaz kox tvsuip wawc tsuingshiq rueq guimz yaq ghaqyungx kuex, Kabzeel, Eder, Jagur,
22 Kina, Dimona, Adada,
23 Kedesh, Hazor, Ethnan,
24 Zipha, Telem, Bealot,
25 Hazor Hadatta, Keriot Hezron (rvmuq ngoz ruiux Hazor),
26 Amam, Shema, Molada,
27 Hazar Gadda, Heshmon, Bethapelet,
28 Hazar Shual, Bersheba, Biziothia,
29 Bala, Eim, Ezem,
30 Eltolad, Kesil, Horma,
31 Ziklag, Madmanna, Sansanna,
32 Lebaot, Shilhim, Ain nuiyc Rimmon: ghaqyungx 29, kvmaq tvroz wawc miqghaq htenc rac rvtueq.
33 Kuz yaz wawc ghaqyungx htenc kuex Eshtaol, Zora, Ashna,
34 Zanoa, Engannim, Tappua, Enam,
35 Jarmut, Adullam, Soko, Azeka,
36 Shaaraim, Adithaim, Gedera nuiyc Gederothaim: ghaqyungx 40, kvmaq tvroz wawc miqghaq htenc rac rvtueq..
37 Kvmaq hulawx Zenan, Hadasha, Migdalgad,
38 Dilean, Mizpa, Joktheel,
39 Lakhish, Bozkat, Eglon,
40 Kabbon, Lamam, Kitlish,
41 Gederot, Betdagon, Naama nuiyc Makkeda: ghaqyungx 16, kvmaq tvroz wawc miqghaq htenc rac rvtueq.
42 Kvmaq hulawx Libna, Ether, Ashan,
43 Ephta, Ashna, Nezib,
44 Keila, Akzib nuiyc Maresha: ghaqyungx tvkuiuz, kvmaq tvroz wawc miqghaq htenc rac rvtueq.
45 Kvmaq hulawx Ekron nuiyc kvruex tvroz wawc miqghaq nuiyc kez htenc,
46 Ekron maq Svmuktvrax Mediteranean hvlwvl wawc Ashdod nuiyc kvruex hep wawc ghaqyungx htenc nuiyc miqghaq htenc muinz lomx tueq.
47 Ekvmaq raz tueq Ejip mungx ghaqruiy wawc yuix saz ruilx nuiyc Svmuktvrax Mediteranean nuex httuiuc laz yungx yaq hong wawc Ashdod, Gaza nuiyc tvroz wawc miqghaq htenc lomx yaq.
48 Kuz hong nuex httax yaq Shamira, Jattir, Soko rvtueq,
49 Danna, Kiriat, Sepher (rvmuq ngoz ruiux Debir),
50 Anab, Eshtemoa, Anim,
51 Goshen, Holon nuiyc Gilo: ghaqyungx rokshiz rac vshiz, kvmaq tvroz wawc miqghaq htenc rac rvtueq.
52 Kvmaq Arab, Duma, Eshan,
53 Janim, Bet Tappua, Apheka,
54 Humta, Hebron nuiyc Zior: ghaqyungx tvkuiuz, kvmaq tvroz wawc miqghaq htenc rvtueq.
55 Kvmaq hulawx Maon, Karmel, Zipha, Jutta,
56 Jezreel, Jokdeam, Zanoa,
57 Kain, Gibea nuiyc Timna: ghaqyungx rokshiz, kvmaq tvroz wawc miqghaq htenc rac rvtueq.
58 Kvmaq hulawx Halhul, Bethazur, Gedor,
59 Maarat, Bethanot nuiyc Eltekon: ghaqyungx tvruk, kvmaq tvroz wawc miqghaq htenc rac rvtueq.
60 Kvmaq raz tueq Kiriat Bala (rvmuq ngoz ruiux Kiriat Jearim) nuiyc Rabba ngoz tueq: ghaqyungx vnueyc rac tvroz wawc miqghaq htenc rvtueq.
61 Kumtsvy tvnx hong nuex httax yaq Bet Araba, Middin, Sekaka,
62 Nibshan, Salta ghaqyungx nuiyc Engedi: ghaqyungx tvruk rac tvroz wawc miqghaq htenc rvtueq.
63 Yuda miqsaz rueq Yerusalem nuex httax yaq Jebusi miqsaz kuex yurc gay lot muq rvtueq, tsuingshiq kuex Yuda miqsaz rulc vdvmz httax yaq dvyx doc.Ref 15:63 Phoc 1:21; 2Sam 5:6; 1Tvts 11:4