25
Bildad
1-2 Tishox kuex luimc vkawc yunghvlc; lotlaz rueq vpiq muex hiyaz tvtsanc nganc shuex;
vpiq rueq raungx mungtan nuex nomic lvmx taq shec tueq.
3 Vpiq muex nawk palx jix kamx bix kuex uraq lac wvl lot yaq nguinx?
Tishox raungwuic lez muq baung kuex m-yuq lac httax yaq nguinx?
4 Tishox khaungkac nuex ukhaq lac tsuingrux yaungx yaq nguinx?
Ukhaq lac sawc yaungx lot yaq nguinx?
5 Vpiq muik lawc nuex yapix muinz lez muq,
ruiysuiyq muinz khuingc muq.
6 Kvkhoc rvtueq kelx duingx, vyung vyawx ikhoc dvyx yaungx yaq miqsaz kuex yvmx lac?
Tishox muik lawc nuex miqsaz kuex yvmx htawz vrawz lac httax yaq nguinx?