10
Ahasuru nuiyc Mordekai Yungc Loayc lvmz
1 Hokhvmx Ahasuru rueq piq honoc mungtan yuix kawx hong nuex httaz yaq miqsaz muex muinz, mungtan mungx nuex httaz jix muex muinz yauk shuimc vgvrx shuimc tvkoc nvr tueq.
2 Piq rueq shuimx wvnc tueq vwangc juing yunghvlc yauk shuimc htenc lotlaz muinz, Mordekai muex yvmx khoc phvnx lac somraungc kuq wvnc tvnx lvmx kvmuinz, Persia nuiyc Media hokhvmx bix mvnphvnc luik nuex wuiyq tvtsuingc taq tueq.
3 Yuda miqsaz Mordekai kuex Hokhvmx Ahasuru yauk khung wawc mungx nuex vyungx rvtueq. Piq kuex Yuda miqsaz rueq tvtsanc nganc rvhumc jix waz rvtueq. Piq kuex miqmac phvnx tvkoc nuiyc tsuingshiq suiuz vsaz htenc kvwungx wvnc tvkoc shuimc jix waz rvtueq.