3
Jerusalem Sualnak le Tlanhnak
1 Mihrem a hmangmi Jerusalem
khuapi, mirimnam khua,
a cungah ningzahnak tlung ko seh.
2 Ralrin peknak aw kha
zeihmanh a ngaihmi a um lo,
Chimhhrinnak kha zeihmanh a lung
ah aa kenmi a um lo;
Bawipa kha aa bochan lo i
a Pathian kha a fuh lo.
3 A chung i bawi hna cu chiandeih
a huk lengmangmi an si,
A biaceihtu bawi hna cu zinglei tiang
a ngang kho lomi cenghngia an si,
4 A profet hna cu mihrokhrawl,
profet taktak a si lomi an si,
A tlangbawi hna nih hmunthiang kha
an thurhhnawmh i phung kha
an duhnak leiah an merh.
5 Sihmanhsehlaw a chung i a ummi
Bawipa cu a ding i òhat lonak kha
zeihmanh a tuah lo;
Zing fate in pel lo tein khuadei kate
ah a biakhiahnak kha
a langhter zungzal.
Asinain miding lo hna nih cun
òhat lonak kha
an tuah lengmang ko i
ningzah zong zeihmanh an hngal lo.
6 Miphun cu ka hloh cang hna,
an khuapi cu ka hrawh hna i
an kulhnak vampang hna le
innsang hna cu an tlu dih.
An khualak lam hna cu
ahohmanh an i chawh ti lonak
thetse ram ah ka ser cang.
An khuapi cu an rawk cang,
chuahtak an si cang,
mi an um ti lo.
7 Ka cawnpiaknak vialte kha
a hngalh òhan lai ti
ruahchannak in,
“A òih cu ka òih ko law
kan chimhhrinnak cu
na lung chungah i ken ko,” ka ti.
Sihmanhsehlaw hmasa nak
hmanh khan òhat lonak
tuah kha an duh deuh;
Tuan te khan an tho i òhat lonak
tuah awkah khan an i chawk.
Miphun Hna Dantatnak le Lungthlennak
8 Cun Bawipa nih,
“Ka hngak tuah, miphun hna
sual ka phawt hna ni kha,
hngak tuah.
Miphun hna le siangpahrang hna
kha ka thinhunnak toih awkah
ka lung kaa thlek cang.
Vawlei hi a dihlak in
ka thinhunnak mei nih
a kangh lai.
9 Khi tikah mi vialte kha
hmur thiang ka pek hna lai i
Bawipa min cu an auh lai i
lungkhat tein a rian an òuan lai.
10 Ethiopia tiva hna ralchan i
aa òhekmi hna lakin ka sinah
zaangfahnak hal in
thla a cammi hna nih khan,
ka sinah an laksawng kha
an rak ka put lai.
A Taangmi A Chiah Hna
11 Khi ni ah cun ka mi hna cu,
Keimah dohnak caah
nan rak tuahmi thil ruangah khan
nan ning a zak ti lai lo;
zeicahtiah nan mi aa porhlawmi le
a ruam a kaimi vialte hna kha
nan lakin ka òhial dih hna lai i
ka tlang thiang cungah hin
ruamkai in nan um ti lai lo.
12 Cuka ah cun nunnem le toidormi kha
ka umter hna lai i
Bawipa min ah cun
himnak an kawl lai i
ka sinah bawmhnak hal awkah
a ra duhmi an si lai.
13 Israel mi chungin a tangmi hna nih
khan ahohmanh nih òhat lonak
an tuah lai lo,
lih zong an chim lai lo,
hlennak bia kha an hmur in
a chuak ti lai lo.
Cun dai tein ramhring lakah khan
an tlong lai i
ahohmanh nih thinphang in
an umter ti hna lai lo. Ref 3.13: Biat 14.5
Lunglawmhnak Hla
14 Zion fanu, lunglawmhnak in au tuah,
Israel, teinak au in au tuah;
Jerusalem fanu, i lawm law
na lungthin dihlak in i lawm tuah.
15 Bawipa nih nangmah
an dohtu hna kha
an òhawlpiak cang i
Na ral kha a dawi cang hna;
Bawipa Israel siangpahrang cu
nan lakah a um i
Rawhralnak kha na òih awk
zeihmanh a um ti lo.
16 Khi ni ah cun mah hihi
Jerusalem sin chim ding bia cu a si lai:
Na thinphang hlah, Maw Zion,
na kut tha kha dorhter hna hlah.
17 Bawipa na Pathian cu,
nangmah kha him tein umter awkah
na chungah ralkap bantukin a um ko;
Na cungah a lung aa lawm lai i
a tha a nuam lai;
A dawtnak cu an hmuhter òhan lai;
Hlan lio bantuk khan na cungah
lunglawmhnak au thawng he
aa lawm lai.
18 Nganfak in na òahnak kha
kan lakpiak lai i
Harnak na inmi ruangah cun
nihsawh serhsatnak kha
na ing ti lai lo.
19 Khi caan a phak tikah, zohhmanh,
nangmah an hremtu vialte hna kha
keimah nih ka tongh hna lai.
A beimi kha ka chanh hna lai i
a òhekmi kha ka pumh hna lai;
Ka mi hna cu hmasa i zawmhtaih
an rak sinak ram paohpaoh ah
khan thangòhatnak le
minthannak ka hmuhter
òhan hna lai.
20 Kan pumh hna caan a phak tikah
cun inn ah kan tlunpi hna lai.
Nan vanòhatnak kha kan pek òhan
hna tikah,
Vawleicung mi vialte sinah
minthannak le thangòhatnak kha
kan hmuhter òhan hna lai i
cucu nan mit in nan hmuh lai.
Hi bia a chimtu hi Bawipa a si.