3
Profet Hmuhmi Tlangbawi Ngan Caah Langhnak
1 Cun Bawipa vancungmi hmai i a dirmi Tlangbawi Ngan Joshua le amah cu sualphawt awkah a orhlei kam in a dirhnawhtu Satana Satan ti cu Sualphawtu ti a si. kha ka hmuh. Ref 3.1: Ezr 5.2; Biat 12.10
2 Bawipa nih Satan cu a thawh i, “Satan, nangmah cu Bawipa nih kan sik, Jerusalem khua a thimtu Bawipa nih kan sik. Hi mipa hi mei chungin chuahmi mei thingthu a si lo maw?” tiah a ti. Ref 3.2: Jud 9
3 Joshua cu vancungmi hmai i a dir ah khan a thurhnawmmi thilpuan aa hruk;
4 cun vancungmi cu aa mer i a tuammuaitu hna kha, “A thilpuan a thurhnawmmi kha phoih u,” tiah a ti hna. Cun aa mer i amah cu a thawh i, “Zeitindah na sualnak kan lakpiak cang kha zohhmanh, nangmah cu thilpuan òha in kan thuamh,” tiah a ti.
5 Cun aa thawh òhan i, “A lu ah lupawng thiang ponh u,” tiah a ti. Cucaah Bawipa vancungmi a dir ko lioah cun a lu ah lupawng thiang kha an ponh i thilpuan thiang kha an hrukter.
6 Cun Bawipa vancungmi nih hi bia kha fek tein Joshua kha a pek:
7 “Mah hihi ralkapbu Bawipa bia a si. Ka lam kha na zulh hna i ka rian kha na òuan hna ahcun, ka inn chungah khuakhang laireltu na si lai i ka biaceihnak inn hna cu na uk hna lai, cun hika i rian a òuantu hna lakah hin luhnak nawl le chuahnak nawl na ngei lai.
8 Tlangbawi Ngan Joshua, ngai hmanh, nangmah le na hmaiah a òhumi na hawile hna cu, nan dihlak in thil a tlung ding chingchiahnak nan si: atu cu ka sal Thing Nge kha ka ratpi lai. Ref 3.8: Jer 23.5; 33.15; Zek 6.12
9 Ni khat ah ram chung sualnak kha ka thianh lai. Joshua hmai i ka chiahmi lung kha hika ah hin a um ko, a chung i mit mit sarih a ummi lung kha.
10 Khi ni ah cun nan dihlak in mahle mitsur ruang toi cio le theipi kung tang cio i òhut awk kha nan i sawm lai, tiah ralkapbu Bawipa nih a ti. Ref 3.10: Mik 4.4