11
Uktu Òhalo Hna Rawhnak
1 Maw Lebanon, na sidar thing kha
mei nih a kangh hna nakhnga
na kutka kha hung tuah hna.
2 Far kung vialte hna, òap tuah u,
zeicahtiah sidar thing cu an tlu
cang i thingkung ngan pipi cu
an rawk cang.
Bashan i a ummi kuhthing
vialte hna, òap tuah u,
Zeicahtiah a hmawng tukmi tupi cu
òhiam dih a si cang.
3 Tuukhal hna an òah thawng cu
ngai hmanh u,
Zeicahtiah saòil tlonnak ram cu
a rawk dih cang.
Chiandeih no an huk thawng cu
ngai hmanh u,
Zeicahtiah Jordan tupi cu
a rawk dih cang.
Tuukhal Pahnih
4 Bawipa kan Pathian bia cu mah hihi a si: Tuurun kha thah awkah thauter hna u.
5 A cawtu hna nih khan an thah
hna lai i mawhchiatnak
zeihmanh an hmu lai lo;
cun a zuartu hna nih khan,
“ Bawipa cu thangòhat si ko seh,
kan rum cang!” an ti lai.
A khaltu tuukhal hna nih
khan an cungah zaangfahnak
an ngei lai lo.
6 Zeicahtiah vawlei cung i khua
a sami hna cungah hin
zaangfahnak zeitikhmanh
ah ka ngei ti lai lo, tiah
Bawipa nih a ti.
Mi kip kha an innpa le
an siangpahrang hna kut tangah
ka chiah hna lai i ram cu
pakhat hnu pakhat in a rawk
lengmang tikah annih cu
an kut chung khan ka chanh
hna lai lo.
7 Cucaah tuurun cu thah awkah a cawtu hna caah cun ka thauter hna. Fung pahnih ka lak hna i pakhat cu a min ah Lawmhnak ka sak i a dang pakhat cu Fonhnak ka sak; cuticun tuurun cu ka thauter hna.
8 Thla khat chungah tuukhal pathum cu ka hlawt hna, zeicahtiah an cungah ka lung a sau kho ti lo i annih nih an ka huat.
9 Cun tuurun cu ka thawh hna i, “Nannih cu kan cong ti hna lai lo, a thi ding cu thi ko u, a tlau ding cu tlau ko u, cun a tangmi cu pakhat le pakhat i ei dih ko u,” ka ti.
10 Ka fung, Lawmhnak, timi kha ka lak i tan hnih ah ka tan i Bawipa nih miphun vialte he biakamnak a tuahmi kha ka hrawh.
11 Cucaah cu ni ah cun hrawh a si i a ka zohtu, thil cawtu hna nih khan mah hihi Bawipa bia a si kha an hngalh.
12 Annih cu ka thawh hna i, “A rem nan ti ahcun ka rianòuan man kha ka pe u; asilole zei poi hlah, nanmah nih i chiah u,” ka ti. Cun ka rianòuan man kha an thlai i ngun phar 30 a si. Ref 11.12: Mat 26.15 Ref 11.12-13: Mat 27.9-10
13 Bawipa nih a ka thawh i, “Tangka chiahnak chungah khan hlonh tuah hna,” a ka ti. Cun ka man caah a za ti i an tuakmi tangka ngun phar 30 cu ka lak i Bawipa inn chungah khan, tangka chiahnak chungah khan ka hlonh hna, cu tangka cu na man lo, tiah an ka hlawt.
14 Khi tikah ka fung a pahnihnak Fonhnak timi kha tan hnih ah ka tan i Judah le Israel karlak i unau sinak a ummi kha ka hrawh.
15 Cun Bawipa nih a ka thawh i, “Tuukhal bantukin i thuam òhan tuah, santlai lomi tuukhal bantukin;
16 zeicahtiah ram chungah hin tuukhal pakhat ka chiah lai i a tlaumi kha zei ah a rel hna lai lo i lam a pialmi kha a kawl zong a kawl fawn hna lai lo, hma a ingmi kha a thlop hna lai lo i a zawmi kha a conghram hna lai lo, sihmanhsehlaw a thaumi sa kha a ei hna lai i an ruh a kiakmi cu a hlonh hna lai,” tiah a ti.
17 A tuu a zamtakmi tuukhal,
zeiruaramlo cu a caah
ngaihchia a va si dah!
A baan cungah le a orhlei mit ah
vainam nih a tlak lai;
A baan cu a car lai i
a orhlei mit cu a caw lai.