TITAS
Sinah Paul Cakuat
1
Upat Biakchawnhnak
1 Pathian lalang le Khrih lamkaltu keimah Paul hi a mithim hna an zumhnak ah hruai awk le Pathian òihzahnak biadik hngalhternak ah
2 a lih bal lo Pathian nih hlanlio piin a rak kamhmi nuncanghmunh ruahchannak cu
3 atu ah amah bia ningin a rem a timi canah a langhter i a kan Khamhtu Pathian nawlpek bantukin cu thanhtu ah cun fial ka si.
4 Kan i hrawmmi zumhnak ah ka fa taktak Titas na sinah ca kan kuat. Pathian kan Pa le kan Khamhtu Jesuh Khrih sinin vel le daihnak cu na sinah um ko seh.
5 Krit tikulh ah kan chiah taknak chan cu kan chimhning in a tlamtling lomi remhchunh awk le khua kip ah Khrihfa upa chiah ding a si.
6 Upa hna cu soisel lomi le nupi pakhat lawng ngeimi an si lai, an fale zong zumtu an si lai i duh paoh nungmi tiah chimrel lomi le chimhkhawng lomi an si lai.
7 Khrihfabu zohkhenhtu cu Pathian chungkhar bultawltu a si caah soisel lomi a si lai; mi uangthlar, mi thintawi le zu din hmang le kut zaang le miak duh ah hakkaumi a si lai lo.
8 Mi nunsiang, òhatnak duh, mah le mah aa uk khomi, mithiang le aa sum khomi a si lai.
9 Kan cawnpiakmi bia kha fek tein aa tlaih lai, zumhmi hman te kha a cawnpiak khawh hna lai i cawnpiaknak a ralchantu hna kha fiang tein a alhnial khotu a si lai.
10 Zeitintiah chimhhrin hau, aukhuang men le hlen hmangmi te hna an tam ko, cuarpartan bu kha an si khun.
11 An ka phih awk an si, zeicahtiah chungkhar an tuai dih hna i miak hnabeisei in cawnpiak lo awk kha an cawnpiak hna.
12 “Krit mi cu an lih zungzal, saram puaròhawng bantuk, mithathu le miorkhu,” tiah anmah Krit profet pakhat nih a rak ti hna.
13 Cucu a hman taktak, cucaah an zumhnak ah hman tein an um khawh nakhnga hlang koin sica hna.
14 Judah mi hna tuanbia sawhsawh le biadik a hlawmi hna bia kha zul ti hna hlah seh.
15 A thiangmi hna caah cun zei thil paoh a thiang, sihmanhsehlaw mi thurhnawm hna le a zum lomi hna caah cun zeihmanh a thiang lo, an lungthin le an chiaòha thleidannak tiangin a thurhnawm dih.
16 Pathian hngal in an i chim nain an tuahnak nih Pathian a ralchan; mihuattlai le chimh ngai lo an si i zei thil òha òuan hmanh ah an tlaktlai lo.