TIMOTE
Sinah Paul Cakuat Pakhatnak
1
Upat Biakchawnhnak
1 Kan khamhtu Pathian le kan ruahchannak Jesuh Khrih nawlpeknak bantukin lamkaltu keimah Paul nih
2 zumhnak ah ka fa taktak Timote sinah ca kan kuat.
Kan Pa Pathian le Khrih Jesuh kan Bawipa sinah vel le zaangfahnak le daihnak um ko seh.
3 Masidonia ram ka kal lai i kan fial bantuk khan Efesa khua i um ko rih awkah kan duh. Micheu nih zumhnak dang an cawnpiakmi kha cawnpiak lo dingin khamh hna law,
4 phuahchom tuanbia sawhsawh le hrih le hram kherhlai lengmang a hmangmi hna kha thlauh hna, mah nih cun zumhnak in Pathian timhtuahmi ah òhanchonak a chuahter hlei lo i alhnialnak men tu a chuahter.
5 Lungthin thiang le chia le òha thleidannak òha le zumhnak taktak i a chuakmi dawtnak cawnpiak awktu kha fial kan si deuh.
6 Mi cheu hna nih cucu hrial in pakpalawng ceihmainak lei tu ah an pial.
7 Phung cawnpiak tu si duh in an chimmi le aa fiang ngai khan in an chimmi cu zei a si ti hmanh an hngal fawn òung lo.
8 A ningcang te i hman ahcun phung hi a òha ko ti kan hngalh.
9 Mi dingmi hna caah si loin phung zeiah a rel lomi hna le nawlngai lomi hna le Pathian zeiah a rel lomi le a thiang lomi le mi thurhnawm hna le mah nu le pa a thatmi le mi thah hmang le nu le pa sualnak a tuahmi le pa le pa sualnak a tuahmi,
10 minung fir hmangmi le lihchimmi hna le lih in chiatserh hmangmi le,
11 thangòhat awk Pathian nih thanh awkah a kan fialmi thawngòha lianngan ralchan in cawnpiak hmangmi hna caah sermi phung a si ti kan hngalh.
12 Hi caah hin a ka òhawnter i zumhtlak ah a ka ruat i amah rianòuan awkah a ka fialtu Jesuh Khrih kan Bawipa cu ka lawmh ko.
13 Hlanlio ah khan chiat ka rak serh, ka rak hrem i ka zawmtai nain zumtu ka rak si rih lo i hngalh lo buin ka tuah caah a ka zaangfah;
14 kan Bawipa velngeihnak nih cun Jesuh Khrih zumhnak le velngeihnak cu liam lakin a ka vorhthaih.
15 Jesuh Khrih cu misual hna khamh awkah a rung ti tawnmi cu zumh a tlak i cohlan a tlak hringhran ko! Keimah hi a sual bikmi cu ka si.
16 Sihmanhsehlaw cu ruangah cun a zaang ka fak, Jesuh Khrih nih ka cung i a lung saunak a langhter hmasa hi a hnu zongah amah a zummi hna paoh nih nuncanghmunhnak an hmuh te lai ti langhternak caah a si.
17 Zungzal siangpahrang, thih hmang lo le mithmuh lo amah lawng Pathian a simi sinah cun upatnak le sunparnak cu um thluangthluan ko seh. Amen.
18 Ka fapa Timote, profet hna nih na kong an rak chim cang bang khan cu thazang peknak thawng cun a òhami ral cu do ko.
19 Zumhnak le chiaòha thleidannak thiang cu i tlaih ko, mi cheu hna nih cucu an hlawt i an zumhnak cu tilawng kuai in an kuai dih cang.
20 Mah hna lakah cun Hermenias le Alekzandar zong an i tel; Pathian zomhtaih an ngol nakhnga Satan kut ah ka chanh cang hna.