3
1 Zan khuamawt ah tlingkhandaang
cungin,
ka dawtte cu nawl len lang,
Nawl len hmanh ning hmuhton
um òung lo,
Au zong lehrul um ri lo.
2 Tho in kan lai lungrawn khua chung
cu veel ning law,
Zatlang lam le nuamh hmun zongah
khin hei kawl hmanh ning,
Lungthli ka tum ka kawl cu ee
ka hmu kho ti lo,
Ka dawt nunnem au len ko hmanh ah,
aankaa lehrul um ri lo.
3 Khuachung ralveng thlanghnun
vaal nih an ka ton,
Ka dawt nunnem ka tum vaalpa cu,
khuazei tal ah nan hmu maw ka ti.
4 Cu hna sin cun tlawm ka liam hnuah,
Tong ai ing ee ka tum valpa cu.
Zaaòial tlaih in sunghno ka nu
sakhnem run toiah,
Luhpi laang òian ti loin,
Semnak ka nu sakhnem run inn
dal chungah khin.
Tlangval
5 Maw Jerusalem leeng rual hna,
Ram hlum sazuk le maw saza min
cem chih in chiat an ser bang.
Ka dawtte cu tho law i hlau ko tiin,
Òhangh lai ka sianh hna lo cu.
Fung Thumnak
A hawile hna
6 Zei hna dah maw fing le tlang lakin
ra ai cu,
Frankinsen zihmui le maw mura
khu khi bang,
Chawlet nih maw an zuar tawn,
zihmui khu a hluan.
7 Hei zohhmanh u, mangbawi Solomon
zawnhnak doòhiang
Israel mi chungin vaal òha cem
thim hna kaw,
Kamlo ralòha 60 nih veng hna.
8 Cu hna nih cun kingthang nam put in,
raltuk thiam ngai ko si hna;
Zan khuamawt i ral nih an nam
hna zawn ah
Ralring camcin vainam khel thlaih
in dah an um tawn zungzal.
9 Mangbawi Solomon nih amah
zawnhnak doòhiang cu,
Remhchun dah kaw Lebanon
thingtian phel òha in.
10 A remh dah ngai a tung hna khi zong,
Ngun hut thingòial rem chuan in;
A khuh cinòial sui ser tangdo
òhutnak cu,
Maimaw puan cawi dawh hlei in
dah ngai,
An òamh Jerusalem leeng rual nih.
11 Khun a torh le a sunlawi ni ah
A chinh cang maw sunghno a nu nih
sunpar luchin rem dawh hlei,
Cuan cio u law Solomon
mangbawi cu,
A suiluchin rem he in,
Zion ngaknu leeng rual hna.