8
David Nih A Ram A Kauh
(1Cha 18.1-17)
1 Cun mah hnuah cun, David nih Filistin mi kha a tei hna i a tangchiah hna; Metheg-ammah kha Filistin mi hna kut chung khan a lak.
2 Cun Moab kha a tei i tahnak hri in a tah hna i vawlei ah a ihter hna; tlar hnih cu thah awkin a tah i tlar khat cu a ning tein zuah awkin a tah. Cun Moab mi cu David sal ah an cang i David sinah khan ngunkhuai an thawh.
3 Cun David nih Zufrates tiva kha uk òhan awk i a kalpah ah Zobah siangpahrang Rehob fapa Hadadezer zong kha a tei.
4 Cun David nih amah sin khan rangcung ralkap 1-700 le ke ralkap 20-000 a tlaih hna i David nih leng hnuktu rang vialte kha an tha a pheh dih hna, sihmanhsehlaw rangleng 100 ca i a za ding lawnglawng kha a nganh hna.
5 Cun Damaskas khuami Siria mi nih khan Zobah siangpahrang Hadadezer kha bawmh awkah an rat tikah, David nih khan Siria mi cu 22-000 a rak thah hna.
6 Cun David nih Damaskas khua chung i Aram ah khan ralvengtu ralkapbu a chiah hna i Siria mi cu David sal ah an cang i ngunkhuai kha an pek. Cun Bawipa nih David cu a kalnak kip ah khan teinak a pek lengmang.
7 Cun Hadadezer sinum hna nih an i putmi sui phaw hna kha David nih a lak hna i Jerusalem ah a rak phorh hna.
8 Cun Hadadezer khua a simi Betah le Berothai khan Siangpahrang David nih dar tampi a lak.
9 Hamath siangpahrang Toi nih Hadadezer ralkapbu kha a ning piin David nih a tei dih hna ti kha a theih tikah,
10 Hadadezer kha a doh i a tei caah amah cu va biakchawnh awk le va conglawmh awkah Siangpahrang David sinah khan a fapa Joram kha a hei thlah; zeitintiah Hadadezer nih khan Toi kha a rak doh lengmang tawn. Cun Joram nih ngun kheng le sui kheng le dar kheng kha a rak i phorh hna.
11 Mah hna zong cu Siangpahrang David nih Bawipa sinah a teimi miphun vialte hna sinin a lakmi sui le ngun hna he khan hmunkhat ah, a pekchanh hna;
12 a teimi miphun hna cu Edom, Moab, Ammon mi, Filistin mi, Amalek mi le Zobah siangpahrang Rehob fapa Hadadezer kha an si.
13 Cun David cu a min a thang ngaingai ko. A ra kir tikah Edom mi 18-000 cu Cite Nelrawn ah a thah hna. Ref 8.13: Slm 60 (A tlangpi)
14 Cun Edom ram chungah ralvengtu ralkapbu kha a chiah hna; Edom ram chungah a dihlak in ralvengtu ralkapbu kha a chiah hna i Edom mi vialte cu David sal ah an cang. Cun Bawipa nih David cu a kalnak kip ah teinak a pek lengmang.
David Bawi Hna
15 Cucaah David nih Israel mi vialte cu a pen hna i David nih a mi vialte cu biading le ruannak in a uk hna.
16 Cun Zeruiah fapa Joab cu ralkapbu haotu bik a si i Ahilud fapa Jehoshafat cu cazin òialtu a si;
17 cun Ahilud fapa Zadok le Abiathar fapa Ahimelek cu tlangbawi an si i Seraiah cu caòialtu a si;
18 cun Jehoiada fapa Benaiah cu Khereth mi hna le Peleth mi hna cung i haotu a si i David fapa hna cu tlangbawi an si.