23
David Rovuih Bia
1 Cun mah hihi David bia hmanung bik cu an si:
Jesse fapa David bia, sangpi ah cawimipa,
Jakob Pathian chiti thuhmi,
Israel mi hla dawh phuah thiamtu
bia cu:
2 “ Bawipa thlarau nih keimah kha
hmang in a chim,
Amah bia cu ka lei cungah a um.
3 Israel Pathian nih a chim cang,
Israel lungpi nih a ka chimh cang:
Uktu nih mi kha dinnak in a uk hna i
Pathian òih buin a uk hna tikah,
4 Khuadawm a thiangmi zing i
a hung ceumi ni bantuk,
Zinglei ceunak bantuk khin
annih cungah a rung ceu,
Vawlei in ram a khohtertu ruah bantuk a si.
5 A si, ka innchungkhar cu cu bantukin
Pathian hmaiah a dir lo maw?
Zeitintiah keimah he zungzal hmunmi
biakamnak kha a ser,
Zeizong vialte kha ningcangte le
fek tein a tuah.
Zeitintiah keimah bawmhnak vialte le
duhnak cu tlinter loin maw a um hnga?
6 Sihmanhsehlaw Pathian zei i
a rel lomi hna cu,
Hlonhmi hling bantuk an si;
Zeitintiah annih cu kut in
lak khawh an si lo;
7 anmah tonghnak ah cun,
Thirfung feihlung hman a hau,
Annih cu mei in khangh dih an si.”
David Miòhawng Hna
(1Cha 11.10-41)
8 Mah hna hi David nih a ngeihmi miòhawng hna min cu an si: Takhemon mi Josheb-basshebeth amah cu pathum hna lak i haotu bik a si; amah nih òum khat ah minung 800 kha a fei in a thah hna.
9 Cun miòhawng pathum hna lak i amah a hun changtu cu Ahohi fapa Dodo i fapa Eleazar kha a si. Raldoh awkah aa pummi Filistin mi kha annih nih an zuamkhawn hna i Israel mi nih hnulei ah an i tawn òhan òung tikah khan, amah cu David sinah khan a um.
10 A tho i Filistin mi kha a kut a bat i a kut cu vainam ah aa khimh chih tiangin a thah hna; cun Bawipa nih cu ni ah cun teinak nganpi a ser; cun a hnu i a sinah an ra kir òhan tikah ral thahmi hna thilthuam phoih awk lawngah khan a si cang.
11 Cun amah a hun changtu cu Harar mi Agi fapa Shammah a si. Filistin mi cu Lehi i hmun pakhat, phiang kung a khahnak hmun ah khan an i pum; cun mi hna cu Filistin mi hna sin khan an zam.
12 Sihmanhsehlaw cu hmun laifang ah cun dirhmun aa serh i cu hmun cu a runven i Filistin mi cu a thah hna; cun Bawipa nih teinak nganpi a ser.
13 Cun an haotu ngan bikbik 30 hna lak i pathum cu an vung kal i rawl òuan caan hrawngah khan Adullam lungkua ah David sin an phan, cu lioah cun Filistin mi bu khat Refaim nelrawn ah khan an riak.
14 Cu lioah cun David cu ralhruang chungah a um i Filistin ralvengtu ralkapbu cu Bethlehem khua ah an rak um.
15 Cun David nih ti kha a ngai ruangmang i, “Bethlehem tikhor, hauka pawng i a ummi ti kha din awkah a ka petu hei um hna seh law, ka hei duh hnga dah,” tiah a ti.
16 Khi tikah miòhawng pathum hna nih khan Filistin mi hna riahhmun chung cun an va lan i Bethlehem tikhor, hauka pawng i a ummi chung khan ti cu an va than i David sinah an ratpi. Sihmanhsehlaw a ding duh lo; Bawipa hmaiah khan a bungh i,
17 “Maw Bawipa, mah hi cu ka tuah hrimhrim hnga lo. Thih le thih tiin a kalmi hna thi cu ka din ko hnga maw?” tiah a ti. Cucaah cun a ding duh lo. Mah thil hna cu miòhawng pathum nih khan an tuah.
18 Cun Joab unau Abishai (an nu cu Zeruiah a si) kha 30 hna lak i an haotu bik cu a si. Cun mi 300 kha fei in a thah hna i pathum hna sinah khan a thang aa chuah ve.
19 Amah cu 30 hna lakah khan minthang bik a si i an haotu ah a cang, sihmanhsehlaw pathum hna kha cu a khingkhang hna lo.
20 Jehoiada fapa Benaiah cu Kabzeel khuami miralòha, thil lianngan a tuahtu a si; amah nih Moab arielb Ariel hi a sullam hngalh lo a si. pahnih a thah hna. Cun hawhra a tlak ni ah khan a vung kal i chiandeih pakhat zong khor chungah a thah fawn.
21 Cun Izipt mi pakhat, aa dawh ngaimipa, a thah. Izipt mipa cu fei aa put, sihmanhsehlaw Benaiah nih cun thingthluan he a vun fuh i Izipt mipa cu a kut chungin fei kha a chuh i amah fei lila cun a thah.
22 Mah thil hna hi Jehoiada fapa Benaiah nih khan a tuah hna i miòhawng pathum hna sinah khan a thang aa chuah ve.
23 30 hna lakah khan a min a thang ve, sihmanhsehlaw pathum hna kha cu a khingkhang hna lo. Cun David nih a pum ralveng haotu ah a chiah.
24 Joab unau Asahel kha 30 hna lak i aa telmi a si ve; Bethlehem khuami Dodo fapa Elhanan,
25 Harod khuami Shammah, Harod khuami Elika,
26 Palti mi Helez, Tekoa khuami Ikkesh fapa Ira,
27 Anathoth khuami Abeizer, Hushath mi Mebunnai,
28 Ahohi mi Zalmon, Netofah mi Maharai,
29 Netofah mi Baanah fapa Heled, Benjamin mi hna khua Gibeah mi Ribai fapa Ittai,
30 Pirathon mi Benaiah, Gaash i tivarek hna mi Hiddai,
31 Arbath mi Abialbon, Bahurim mi Azmaveth,
32 Shaalbon mi Eliahba, Jashen fapa hna, Jonathan,
33 Hara mi Shammah, Hara mi Sharar fapa Ahiam,
34 Maakah mi Ahasbai fapa Elifelet, Gilon mi Ahithophel fapa Eliam,
35 Karmel mi Hezro, Arbi mi Paarai,
36 Zobah mi Nathan fapa Igal, Gad mi Bani,
37 Ammon mi Zalek, Zeruiah fapa Joab i a hriamnam putu Beeroth khuami Naharai,
38 Ithra mi Ira, Ithra mi Gareb,
39 Hit mi Uriah: an dihlak ah 37 an si.