SAMUEL
PAHNIHNAK
Samuel
David thil ti khawhnak kha Israel mi hna lung chungah hin a um tuk caah, Israel mi nih harnak le sunghnak an in tik paoh ah, David kha an ngai i “David fapa” a chuak te lai i a pa David bantuk a si te lai, ti kha an i ruahchan.
1
David Nih Saul Thihnak Kong A Theih
1 Saul thih hnu i David nih Amalek mi a thah hnanak in a hung kir tikah, David cu Ziklag ah ni hnih a cam;
2 cun a ni thumnak ni ah Saul riahhmun in mipa pakhat, a puan tlek he a lu ah leidip i phulh in a ra. Cun David sin kha a phak tikah vawlei ah a bawk i upatnak kha a tuah.
3 David nih amah cu, “Khuazei in dah na rat?” tiah a ti.
Cun anih nih, “Israel mi hna riahhmun in ka ra zam,” tiah a ti.
4 Cun David nih amah cu a thawh i, “Zeitindah a si? Ka chim tuah,” tiah a ti.
Cun anih nih a leh i, “Mi hna nih raltuknak hmun khan an zam i mi tampi cu an tlu i an thi; cun Saul le a fapa Jonathan zong an thi,” tiah a ti.
5 Cun David nih amah a hung chimtupa tlangval sinah cun, “Zeitindah Saul le a fapa Jonathan cu an thi, tiah na hngalh?” tiah a ti.
6 Cun amah a chimtu tlangval nih khan, “Zeitimaw in Gilboa tlang ah khan ka rak um ngelcel i, khika ah khan Saul cu a fei kha i rinhchan in a rak dir i zohhmanh, rangleng le rangcung ralkap hna nih khan an naih chin cuahmah cang. Ref 1.6-10: 1Sam 31.1-6; 1Cha 10.1-6
7 Cun a hnulei kha a hei zoh tikah a ka hmuh i a ka auh. Cun kei nih ka leh i, ‘Hika ah hin ka um,’ ka ti.
8 Cun anih nih keimah cu, ‘Ahodah na si?’ tiah a ka ti i, ‘Amalek mi ka si,’ tiah ka leh.
9 Cun anih nih keimah cu, ‘Ka pawngah dir law ka that tuah; zeitintiah vansang auhnak nih a ka tlaih cang, asinain ka nung rih òung,’ tiah a ka ti.
10 Cucaah a pawngah cun ka dir i ka thah, zeicahtiah a tluk cang hnuah khan cun a nung kho bal ti lai lo ti kha ka hngalh; cun a lu i a ummi bawi luchin le a baan i aa khihmi ban hrolh cu ka lak hna i hika ah ka bawipa sinah ka rak put hna,” tiah a ti.
11 Khi tikah David nih a thilpuan kha aa tlaih riangmang hna i a thleh hna i cu bantukin amah sin i a ummi vialte nih khan an tuah ve;
12 Saul le a fapa Jonathan le Bawipa mi hna le Israel innchungkhar hna kha vainam in an thih caah, mithi cu an ngai, an òah hna i zanlei tiang rawl an ul.
13 Cun David nih amah a chimtu tlangval sinah cun, “Khuazei in dah na rat?” tiah a ti.
Cun anih nih “Kei cu Amalek mi, mipem fa ka si,” tiah a leh.
14 David nih amah cu, “Zeitindah a si e, nangmah nih Bawipa chiti thuhmi hrawh awk i na kut zao na òih lo cu?” tiah a ti.
15 Khi tikah David nih tlangval pakhat kha a auh i, “Va kal law, va that,” tiah a ti. Cun a tuk i a thi.
16 Cun David nih amah cu, “Na thi cu nangmah lu cungah va um ko seh; zeitintiah nangmah kaa hrimhrim nih, ‘ Bawipa chiti thuhmi cu ka thah,’ tiin nangmah cung i biahngaltu a si,” tiah a ti.
David Nih Saul le Jonathan A Òah Hna
17 Cun David nih Saul le a fapa Jonathan kha hi òah hla hi a lawh hna i
18 Judah mi kha mah hihi cawnpiak awk an si lai, tiah a ti; zohhmanh, Jashar Cauk chungah aa òial. Amah nih a thawh i: Ref 1.18: Jos 10.13
19 Maw Israel, na sunparnak cu,
na tlang cungah thah an si cang.
Ralkap òhawng bikbik hna cu
20 Gath khua ah va thanh hlah u,
Askelon khuachung lam zongah
va chim hlah u,
Filistin fanu hna kha an i lawm sual hnga i
Cuarpartan lomi fanu hna kha
21 Gilboa tlang hna, nan cungah
ruah sur hlah seh,
dap zong tla hna hlah seh,
lo òha zong um hna hlah seh;
Zeicahtiah khika ah
miòhawng phaw cu
thurhnawmh a si i
Saul phaw cu chiti thuh ti loin
a ril cang;
22 Jonathan likuk cu mithahnak caah
a òhawng,
Saul vainam cu zaangfahnak
a ngei lo,
miòhawng kha an tuk hna i
23 Saul le Jonathan,
duh a nung i aa dawhmi hna,
nunnak ah siseh, thihnak ah siseh
an i òhen lo;
muvanlai nakin an khul a rang,
chiandeih nakin an òhawng.
24 Maw Israel fanu hna,
Saul cu òah tuah u,
Amah nih maimaw puan
an aihter hna i
lungvar le sui in an òamh hna.
25 Ralkap miòhawng hna cu
zeitindah i doh liopi ah an thih ee!
Jonathan cu na tlang cungah
a ril cang ai!
26 Ka nau Jonathan,
nangmah cu kan ngai!
Zeitluk in dah ka caah na sun,
na ka dawtnak cu khuaruahhar a si,
27 Ralkap òhawng hna cu an tlu cang,
ralhriam hna cu
an rawk cang,” a ti.