13
Filistin Mi He An I Do
1 Saul cu pennak hram a thawk tikah kum ... a si i amah nih kum ... Israel mi kha a uk hna.a 13.1 hi Hebru Baibal chungah a kum hi tlamtling in a um lo. NIV ah cun kum 30 a si ah pennak hram a thawk i kum 42 a uk, REB ah kum 30 ah a thawk i kum 22 a uk, NASB ah kum 40 ah a thawk i kum 32 a uk, a ti i NKJV ah cun kum khat a uk i kum hnih a uk hnuah tiin an um.
2 Saul nih Israel mi 3-000 a thim hna; 2-000 cu Saul he Mikmash le Bethel tlangram ah khan an um i 1-000 cu Jonathan he Benjamin phun khua Gibeah ah khan an um; cun a tangmi hna cu anmah le an thlam cio ah khan a kirter hna.
3 Jonathan nih Geba i a ummi Filistin ralveng ralkapbu cu a tei hna i mah cucu Filistin mi nih an theih. Cun Saul nih ram chung dihlak ah khan, “Hebru mi nih thei hna seh,” tiin muko a tum.
4 Cun Israel mi vialte nih khan, Saul nih Filistin ralveng ralkapbu kha a tei hna ti le Israel mi cu Filistin mi hna huat kan phor cang ti zong kha an theih. Cun mi hna cu Saul kha Gilgal i hei fonh awkah an auh hna.
5 Cun Filistin mi cu Israel mi kha doh awkah an i pum, rangleng 30-000, rangcung ralkap 6-000 le ke ralkap an tam ning cu rilikam thetse zat; cun an hung kai i Mikmash ah an riak, Beth-aven nichuahlei ah khan.
6 Israel mi nih harnak chungah kan um ti kha an hmuh tikah (zeitintiah annih cu fak piin an det hna) mi hna cu lungkua hna le khor hna le lungpi chung hna le thlan chung hna le ti-inn chung hna ah an i thup,
7 a cheu nih Jordan tiva kha a tannak hmun hna ah khan an tan i Gad le Gilead ram ah an zam. Saul tu cu Gilgal ah khan a um ko i mi vialte nih khan therphang lengmang in an zulh.
8 Samuel nih a caan a tinhtak bangin ni sarih a hngah; sihmanhsehlaw Samuel cu Gilgal ah khan a ra lo i mi nih khan amah kha an òiaotak lengmang cang. Ref 13.8: 1Sam 10.8
9 Cucaah Saul nih, “Hika ah hin, keimah sinah, khangh thawinak kha le daihnak thawinak hna kha rak pu hna u,” tiah a ti. Cun khangh thawinak kha a pekchanh.
10 Khangh thawinak kha a pekchanh dih kate ah khin, zohhmanh, Samuel kha a ra; cun Saul nih khan amah ton awkah a kal i salaam a pek.
11 Samuel nih, “Zeidah na rak tuah?” tiah a ti. Cun Saul nih, “Mi kha ka sinin an òiao lengmang cang ti kha ka hmuh tik le kan ni tinhmi chungah na rat ti lo ca le Filistin mi kha Mikmash ah an i pumh luaimai caah,
12 keimah nih, “ Bawipa duhdawtnak ka hal hlanah hin maw Filistin mi hna nih hin Gilgal ah hin run kan zuanhnawh hna lai,’ ka ti i cucaah khangh thawinak pekchanhnak hi ka rak i hnek ko,” tiah a ti.
13 Cun Samuel nih Saul cu, “Na tuahmi hi hruhnak ngaingai a si; Bawipa na Pathian nih an pekmi a nawlbia cu na zul lo; zeicahtiah atu cu, Bawipa nih na pennak cu Israel mi cungah zungzal ca in a hei fehter ko hnga.
14 Sihmanhsehlaw atu cu na pennak hi aa pehtlai lai lo; zeitintiah Bawipa nih amah duhning lungthin a pumi pakhat a kawl cang; cun nangmah nih Bawipa nih an pekmi nawlbia kha na zulh hna lo caah, a mi hna cung i bawi sinak kha Bawipa nih amah cu a pek cang,” tiah a ti. Ref 13.14: Lam 13.22
15 Cun Samuel cu a tho i Gilgal in Benjamin khua Gibeah ah khan a hung kal.
Cun Saul nih amah sinah a ummi kha a rel hna i 600 tluk an si.
16 Cun Saul le a fapa Jonathan le an sinah a ummi hna kha Benjamin khua Geba ah khan an um; sihmanhsehlaw Filistin mi cu Mikmash ah khan an riak.
17 Cun Filistin mi hna riahhmun khan raltutu phu thum in an chuak; phu khat cu Shual ram i Ofrah leiah khan an kal,
18 phu khat cu Beth-horon leiah an kal, cun phu khat cu ramlak lei Zeboim nelrawn vun zohtu pawng ri leiah khan an kal.
19 Israel mi ram chung dihlak ah soser pakhat hmanh an rak um lo, zeitintiah Filistin mi nih, “Hebru mi nih fei le nam an i ser sual ai hnga,” tiah an ti;
20 asinain Israel mi paohpaoh nih an tuhmui siseh, an hmuizum siseh, an hreitlung siseh, an faah siseh, cer awkah Filistin mi hna sinah an vung kal lengmang;
21 cun a man cu tuhmui ca le hmuizum caah pimb pim khat cu ounce cheu li cheu khat tluk a si. khat lengmang a si i shekel cheu thum cheu khat lengmang hreitlung cernak le leng hnuk caw sawhnak fung bunh man ah a si.
22 Cucaah raltuk ni ah khan fei siseh, nam siseh a ngeimi, Saul le Jonathan sin i a ummi hna lakah khan an um lo; sihmanhsehlaw Saul le a fapa Jonathan kha cu an ngei.
23 Cun Filistin mi ralveng ralkapbu cu Mikmash i va lanhnak fiang ah khan an va kal.