9
1 Cun, a panganak vanmi nih a muko a tum i arfi pakhat vawlei ah a tlak ka hmuh i donglokhor tawh an pek.
2 Donglokhor cu a hun i khor chung cun meikhu bantuk a hung chuak hluahmah; cu meikhu ruangah cun ni le thlapa cu a mui dih.
3 Meikhu cun khaubok vawlei ah an hung chuak i tlangkingkuar sivai bantuk pek an si.
4 An cal ah Pathian cakhenh a ngei lomi minung dah ti lo cu ram hring le thlaikho le thing hna cu hrawh lo dingin an chimh hna. Cal i cakhenh ngei lomi hna zong cu thah an onh hna lo,
5 thla nga chung hrem awk lawng an onh hna i an hremnak a fah ning cu tlangkingkuar nih a henhmi hna hmual bantuk a si.
6 Cu caan ah cun mi nih thih an hau len nain an hmu lo; thih an duh tuk nain thihnak nih lo diam in a zuan tak hna.
7 Khaubok cu raltuknak ah thuamhmi rang ko an lo; an hmai cu minung hmai a lo.
8 An sam cu nu sam bantuk a si i an ha cu chiandeih ha bantuk a si.
9 Thir ha bantuk an ngei i an thla khawn thawng cu rangleng tampi raltuk awkin a tli phungmangmi thawng bantuk a si.
10 Mei le henhnak an ngei i tlang kingkuar bantukin mi an henh kho i an henhmi hna cu thla nga chung an kuah.
11 Siangpahrang bantukin uktu an ngei, cucu donglokhor uktu vanmi kha a si. A min cu Hebru holh in Abaddon an ti i Grik holh in Apollyon ti a si. (a sullam cu “Hrawktu,” tinak a si.)
12 Harnak a hmasa cu a dih cang nain zohhmanh u, harnak pahnih a ra rih lai.
13 Cun a paruknak vanmi nih a muko a tum. Pathian hmai i sui biakòheng kil li in aw ka theih,
14 aw nih cun a paruknak vanmi sinah “Eufratis tivapi ah hrenmi vanmi pali hna kha thlah hna,” a ti.
15 Vanmi pali hna cu thlah an si. Vawlei cheuthum cheukhat thah awkin hi caan le hi ni le hi thla le hi kum ah hin rak timhmi an si.
16 An rangcung ralkap hna cu nuai zahnih an si an ti ka theih.
17 Cun langhnak ah cun rang le a cungah aa citmi hna cu hitihin ka hmuh hna; an òangphaw cu mei bantukin a sen, safaiar bantukin a dum i kat bantukin a aihre. An rang lu cu chiandeih lu bantuk an si i mei le meikhu le kat mei bantuk an kaa in a chuak.
18 Hi hremnak pathum (mei, meikhu le kat) hin minung cheuthum cheukhat cu thah an si.
19 Zeitintiah rang hna an òhawnnak cu an kaa le an mei ah a um, an mei cu rul bantuk a si i lu a ngei i cu lu cun mi hna cu hma an banh hna.
20 Hi (hremnak) le khuachia nih a thah lomi a tang rihmi hna nih cun anmah serchom biak an ngol hlei lo i sui le ngun le dar le lung le thing in siasal an sermi zeihmanh a hmu lomi le a thei lomi le a kal zong a kal kho lomi biak an òhin hlei lo.
21 An lainawn le an mi eih le an hor le an fir zong an òhin hlei lo.