20
1 Cun vanmi pakhat, van in a rung òum ka hmuh i a kut ah donglokhor tawh le thir cikcin aa put.
2 Limkeng, hlanlio rulpi, Khuachia le Satan timi cu a tlaih i kum thong khat chung a hren.
3 Donglokhor ah cun a thlak i innka a khar i a hrenh. Cuka ah cun khuachia cu kum thong khat a um lai i cu chung vialte cu vawlei cung miphun vialte kha a hleng kho ti hna lai lo. Kum thong khat cu a doh tikah caan tlawmpal te chung thlah a si lai.
4 Cun bawi òhutdan ka hmuh hna. Pathian bia le Jesuh cawnpiaknak an chim caah an lu an tanmi hna thlarau zong ka hmuh hna. Sahrang siseh, a muipu siseh, an rak bia lo i an cal le an kut ah chingchiahnak zong an ngei lo. An tho òhan i bawi òhutdan cungah an òhu, zeitintiah Pathian nih pennak nawl a pek hna i Khrih he kum thong khat chung an pen.
5 Mithi dang hna tu cu kum thong khat a dih hlan cu an nung òhan ve rih lo. Mah cucu thawhòhannak hmasa a si.
6 Thawhòhannak hmasa ah a thomi hna cu thluachuakmi le a thiangmi an si. Cu hna cungah cun voi hnih thihnak nih nawl a ngei ti lo. Pathian le Khrih tlangbawi an si lai i Khrih he kum thong khat chung an pen lai.
(Eze 38—39)
7 Kum thong khat a dih cun Satan kha thong cun thlah a si lai i
8 vawlei killi ah a ummi Gog le Magog timi cu hlen awkin aa thawh lai. Ral doh awkin a pumh hna lai; rili kam thetse zat in an tam.
9 Vawlei khat in an i òhek i Pathian mi le a dawtmi khualipi cu an kulh; sihmanhsehlaw van in mei a rung tla i a kangh dih hna.
10 Cun a hlengtu hna khuachia cu sahrang le profet deu hna umnak kat mei alh ah an thlak i dong ti loin chun he zan he hrem an si cang lai.
11 Cun bawi òhutdan rang le a cungah a òhumi pa ka hmuh. Vawlei le van hna cu a hmaika cun lo diam in an tli i an caah hmun a um ti lo.
12 Cun bawi òhutdan hmaiah mithi, mi ngan he mi hme he ka hmuh hna i cauk an kau hna, cauk dang pakhat zong an kau i cucu nunnak cauk a si. Mithi hna cu cauk chung ning cun an òuanning bantukin bia an ceih hna.
13 Rili nih a chung i a thimi vialte kha a hun chuah hna. Thihnak le Mithi khua zong nih an chung i mithi hna zong an hun chuah ve hna i an rak òuanning cio khan biaceih an si.
14 Thihnak le Mithi khua cu mei alh ah an thlak hna. Mah cucu thih hnihnak mei tili cu a si.
15 Nunnak cauk chungah min a um lomi paoh cu mei tili ah paih an si.