17
1 Cun vanmi pasarih lak pakhat, kanto pasarih a ngeimi kha ka sinah a ra i “Ra hmanh, ti cungah a òhumi hlawhhlangnu ngan biaceihnak kan hmuhsak lai.
2 Vawlei cung siangpahrang vialte cu mah nu he cun an sual dih i vawlei vialte zong mah nu hornak zu cu an ri dih,” a ka ti.
3 Cun ramcar pakhat ah Thlarau in a ka kalpi i Pathian thangchiatnak min in a khatmi lu sarih le ki hra a ngeimi sahrang sen cungah a òhumi nu pakhat ka hmuh.
4 Minu cu puan senduk le seneu in aa thuam i sui le lungvar le tikep lungvar in aa òamh. A kut ah thil fihnung le a horsual thurhnawmhnak in a khatmi sui hrai aa put.
5 A cal ah biathup in, “A liannganmi Babilon, hlawhhlannak hringtu nu le vawlei fihnung,” tiah aa òial.
6 Cu nu cu Jesuh ruangah thahmi martar hna le mithiang hna thi a rit ka hmuh.
Ka hmuh ah cun ka khuaruah a har hringhran ko.
7 Sihmanhsehlaw vanmi nih cun ka sinah, “Zeicahdah na khuaruah a har? Minu le a phortu lu sarih le ki hra a ngeimi sahrang an biathup cu kan chimh lai.
8 Sahrang na hmuhmi hi a rak um cangmi a si i a um òhan ti lo, donglokhor in a ra chuak òhan lai nain a lolak dingmi a si, van le vawlei ser hlanin nunnak cauk ah an min khenh lomi vawlei mi hna nih cun sahrang an hmuh ah hin an khuaruah a har ko lai; a rak um taktak, atu cu a um ti lo, asinain a ra òhan ding a si.
9 Hihi hngalhthiam a herh ngaingai, lu pasarih cu minu òhutnak tlang pasarih a si;
10 siangpahrang pasarih zong a si fawn. Panga cu an thi cang i pakhat cu atu hi a um lio a si, a dang pakhat cu a ra rih lo, a rat tik zongah caan tlawmte lawng a hmun lai.
11 Sahrang a rak um i a um ti lomi cu a pariatnak a si nain pasarih ta kha a si i a loral dingmi a si.
12 Ki pahra na hmuhmi kha siangpahrang pahra, siangpahrang nawlngeihnak a hmu rih lomi an si, mah hna cu suimilam pakhat chung lawng siangpahrang bantukin sahrang he nawlngeihnak an hmuh òi lai.
13 Mah hna hi an lung aa khat i an nawlngeihnak le an thil ti khawhnak kha sahrang sinah an chanh.
14 Sahrang le siangpahrang pahra hna nih Tuufa an doh lai, asinain Tuufa le a mi hna nih an tei hna lai. Tuufa cu Bawi lakah Bawi bik, siangpahrang lakah Siangpahrang chin a si i a mi hna cu Pathian nih a duh i a thimmi hna an si i a caah zumhtlak an si.
15 Cun, ka sinah hitihin a ti, hlawhhlangnu a òhutnak ti na hmuhmi kha mi hna le mibu le Jentail mi hna le holh phun dangdang an si.
16 Cun, ki pahra na hmuhmi le sahrang nih khan hlawhhlangnu cu an huat lai; a ngeihmi vialte an chuh dih lai i a pum lawngin an chiah lai. A sa an ei dih lai i mei in an khangh lai.
17 Pathian nih a tumhtahmi tuah awk kha an thinlung ah a chiah i Pathian bia a tlin hlan paoh cu sahrang sinah an siangpahrang nawlngeihnak pek chin dingin an lung a khahter hna.
18 Minu na hmuhmi kha vawlei siangpahrang vialte cungah uknak nawl a ngeimi khualipi lianngan a si.