13
1 Rili chungin sahrang a ra chuah ka hmuh i ki pahra le lu pasarih a ngei. A ki ah cun bawi luchin pahra aa tar i a lu kip ah cun Pathian thangchiatnak min a cuang.
2 Cu sahrang ka hmuhmi cu pawlai a lo, a ke cu vom ke a lo i a kaa cu chiandeih kaa bantuk a si. Limkeng nih khan òhawnnak le bawi òhutdan le nawlngeihnak nganpi a pek.
3 A lu lakah pakhat cu fak ngaiin hliamhmi a lo, asinain a hma cu a dam cang, vawlei cung mi vialte an khuaruah a har i sahrang cu an zulh len ko.
4 Mi nih limkeng cu an biak, sahrang zong a nawlngeihnak a pek caah an biak ve i, “Ahodah sahrang bantuk a um? Ahodah a do kho hnga?” an ti.
5 Sahrang cu porhlawtnak le Pathian thangchiatnak chim onh a si i thla sawm li le thlahnih chung cuticun nawl a ngei;
6 Pathian min le a umnak le vancung i a ummi hna kha a thangchiat len ko hna.
7 Mithiang hna kha doh i teinak nawl pek a si. Phun kip, mi kip, holh kip le Jentail mi hna sinah nawlngeihnak pek a si fawn.
8 Thahmi Tuufa nunnak cauk chungah vawlei le van ser hlan in min khumhmi dah ti lo cu vawlei mi vialte nih amah cu an biak lai.
9 Hna a ngeimi paoh nih thei ko u.
10 Sal ah tlaih hngami cu sal ah tlaih an si ko lai;
Vainam in thah hngami cu vainam in an thi ko lai.
Mithiang mi hna cu lungsau le zumhnak he an in a herh tinak a si.
Sahrang Pahnihnak
11 Cun vawlei in a thomi sahrang dang pakhat ka hmuh. Tuufa bantukin ki pahnih a ngei i limkeng bantukin bia a chim
12 Hmasa sahrang nawlngeihnak kha a hman i thihtlak in hma a pu nain a dam òhanmi, hmasa sahrang kha vawlei le a cungah a ummi vialte cu hranhram in a biakter hna.
13 Sahrang pahnihnak nih cun hmelchunhnak ngan pipi a rak tuah i zapi hmuh te ah mei hmanh van in a tlakter;
14 sahrang pakhatnak hmaiah hmelchunhnak tuahnak a onh i vawleimi vialte kha a hlen hna. Vainam in hlemh i a nung òhanmi sahrang muipu in milem a serter hna.
15 Cu sahrang lem cu a holh khawhnak ding le a bia duh lomi paoh that kho dingin sahrang lem cu nunnak thaw a pek.
16 Sahrang nih mi vialte, mi ngan le mi hme, mi rum le mi sifak, sal le mi luat zong an orhlei kut, asiloah an cal ah chingchiahnak a khenhter hna.
17 Cucaah sahrang min siseh, a min nambar siseh, a ngei lomi hna nih cun zeihmanh an zuar in an caw kho lo.
18 Hi ah hin fimnak a hau. A tuak khomi nih cun sahrang nambar cu tuak ko seh, minung nambar a si i a nambar cu zaruk le sawm ruk le paruk a si.