4
(1Sia 7.23-51)
1 Dar biakòheng pakhat a ser i dong 20 a sau i dong 20 a kau i dong 10 a sang. Ref 4.1: Exo 27.1-2
2 Hmaihum a ser i a pum i khattelei tlang in khattelei tlang cu dong 10 a si i dong 5 a sang i a tlang velchum cu dong 30 a si.
3 A tangah cun umruang mui hri an um i dong 30 an sau i hmaihum cu a velchum in an kulh; umruang cu tlang hnih in an um i hmaihum an thlet ah khan an thlet chih hna.
4 Hmaihum cu cawtum hleihnih cungah a dir, pathum cu chaklei an hoih, pathum cu nitlaklei an hoih, pathum cu thlanglei an hoih i pathum cu nichuahlei an hoih; hmaihum cu an cungah cun khin a si i an hnulei cu a chunglei an chanh cio.
5 A chahlei cu zapar a si i a tlang cu hrai tlang bantukin an ser, lili pangpar bantuk a si; bath 3-000 ringlo a tlum.
6 Kut òawlnak kheng pahra a ser fawn hna, panga cu thlanglei kamah a chiah hna i panga cu chaklei kamah a chiah hna. Hi hna chungah hin khangh thawinak ca a simi thil kha an tlengh hna i hmaihum cu tlangbawi hna an i òawlnak ding caah a si. Ref 4.6: Exo 30.17-21
7 Cun rak ruah cia bang khan, sui mei vannak tung pahra a ser hna i biakinn chungah khan a hun hna, thlanglei kamah panga a chiah hna i chaklei kamah panga a chiah hna. Ref 4.7: Exo 25.31-40
8 Cabuai zong pahra a ser hna i biakinn chungah khan, thlanglei kamah panga, chaklei kamah panga a chiah hna. Cun sui khengkuar 100 a ser hna. Ref 4.8: Exo 25.23-30
9 Tlangbawi hna tual le tual ngan le tual ca i innkhar kha a ser hna i an innkhar hna cu dar in a hut hna;
10 cun hmaihum cu inn nichuah thlanglei kamah khan a hun.
11 Huram nih um hna le cawhlek hna le khengkuar hna kha a ser hna. Cuticun Huram nih Bawipa inn ca i Siangpahrang Solomon a tuahpiakmi rian kha a lim:
12 tungpi pahnih le kheng hna le tungpi dong i a ummi luchin pahnih hna; cun tungpi dong i a ummi luchin kheng khuhtu ding ca i sur bantukin sermi pahnih;
13 cun tungpi dong i a ummi luchin kheng khuhtu hna ca i sur pahnih hna caah khan taleti 400, sur pakhat caah taleti rual hnih lengmang.
14 Cun hunnak hna le hunnak cung i òawlnak kheng hna le
15 hmaihum pakhat kha le a tang i cawtum hleihnih hna zong kha a ser hna.
16 Um hna le cawhlek hna le keuòe hna le hi hna ca i thilri vialte cu Huram-abi nih khan Siangpahrang Solomon nawlpeknak bantukin Bawipa inn caah khan dar tleu in a ser hna.
17 Jordan nelrawn, Sukkoth le Zeredah karlak i tlak hmun ah khan siangpahrang nih a thlet hna.
18 Solomon nih hi thil vialte hna cu tam piin a ser hna i cucaah dar cu a khing zeizat a si kha hngalh khawh a si lo.
19 Cuticun Solomon nih Pathian inn chung i a ummi thil vialte cu a ser hna: sui biakòheng, Hun Camcinmi changreu ca i sui cabuai,
20 ruah cia ningin hmunthiang chungchin i van awk ca meiinn tung hna le an meiinn hna, sui thiang in sermi;
21 sui thiang bik in sermi pangpar hna le meiinn hna le cengceh hna;
22 sui thiang in sermi mei hmihnak hna, khengkuar hna, zihmui kheng hna le mei zahnak hna; cun hmun thiang bik luhnak chungchin innkhar hna le biakinn òuangpi innkhar hna ca i sui thiang in sermi biakinn kapza hna.