24
Joash Pennak
(2Sia 11.21§12.21)
1 Joash cu pen hram a thawk ah khan kum 7 a si i Jerusalem in kum 40 a pen; a nu min cu Zibiah a si, amah cu Beersheba khuami a si.
2 Tlangbawi Jehoiada chan chung cu Joash nih Bawipa mithmuh i a dikmi kha a tuah.
3 Jehoiada nih nupi pahnih a òhitpiak i fapa hna le fanu hna a ngeih hna.
4 Hi hnuah hin Joash nih Bawipa inn remh òhan kha a timh.
5 Tlangbawi hna le Levi mi hna kha a pumh hna i, “Judah ram chung khua ah khan va kal u law, Israel mi vialte sinin kum khat hnu kum khat nan Pathian inn cu remh awkah phaisa va khawl hna u; cun cu rian cu khulrang in va tuah u,” tiah a ti hna. Sihmanhsehlaw Levi mi hna kha an i rianranh hlei lo.
6 Cucaah siangpahrang nih upa bik Jehoiada kha a auh i, “ Bawipa sal Moses nih Israel mibu cu hngalhternak thlam caah nan thawh lai tiin a timi hna ngunkhuai cu, Judah ram le Jerusalem khuami kha thawhter hna u, tiah zeicahdah Levi mi kha na fial hna lo?” tiah a ti. Ref 24.6: Exo 30.11-16
7 Zeicahdah tiah kha misual nu Athaliah fapa hna nih khan Bawipa inn kha an bauh i Bawipa inn chung i pekchanhmi thil vialte zong kha Baal caah an hman dih.
8 Cuticun siangpahrang nih nawlbia a ser i kuang pakhat an ser i Bawipa inn kutka lengah khan an chiah.
9 Cun Pathian sal Moses nih ramlak ah Israel mi cu nan thawh lai tiin a rak timi hna ngunkhuai kha Bawipa ca i rak put awkah, Judah ram le Jerusalem khua ah khan thawng an thanh hna.
10 Cun bawi vialte le mi vialte kha an lung aa lawm i an dih hlantiang an tangka cu an rak put hna i kuang chungah khan an sanh hna.
11 Cun Levi mi hna nih kuang cu siangpahrang i a bawi pawl sinah khan an rak put fate, annih nih a chungah tangka tampi a um ti an hmuh tikah, siangpahrang caòialtu le tlangbawi upa bik i a bawi kha an ra i kuang kha an tlen i an lak i a umnak ah khan an chiah òhan tawn. Cuticun ni khat hnu ni khat an tuah i tangka tampi an khawmh.
12 Cun siangpahrang le Jehoiada nih khan Bawipa inn rian a latu hna sinah khan an pek hna i annih nih Bawipa inn remhnak caah cun lung lei zungthiam le zungthiam kha an lak hna, cun Bawipa inn remh awk caah khan thir lei zungthiam le dar lei zungthiam zong an lak fawn hna.
13 Cuticun rian òuan awk i fialmi hna nih khan an òuan i an kut chungah inn remhnak rian cu òha tein a kal i Bawipa inn cu a sining ding kha an siter òhan i an fehter.
14 Cun an lim tikah phaisa a tangmi kha siangpahrang le Jehoiada hmaiah khan an rak put i cu cun Bawipa inn ca i umkheng, biaknak ca le khangh thawinak ca i kha an ser hna i zihmui ca kheng tete le sui umkheng le ngun umkheng zong kha an ser hna. Cun Jehoiada chan chung cu Bawipa inn chungah khan khangh thawinak kha an pekchanh camcin ko.
15 Sihmanhsehlaw Jehoiada cu a tar, a upa i a thi; amah cu a thih ah kum 130 a si.
16 Cun Israel mi hna sin le Pathian le a inn caah thil òha a tuah caah David khua chungah, siangpahrang hna sinah khan an vui.
17 Cun Jehoiada thih hnuah khan Judah ram bawi hna cu an ra i siangpahrang sinah cun upatnak an tuah i siangpahrang nih an bia cu a ngaih hna.
18 Cun annih nih Bawipa, an pupa hna Pathian inn kha an hlawt i Asherim le siasal kha an rian an òuan hna. Cun hi an mawhnak ruangah hin Judah le Jerusalem cungah thinhunnak a tlung.
19 Asinain, Bawipa sin i kirpi òhan awkah khan profet kha a thlahhnawh hna, sihmanhsehlaw zei ah an rel hna lo.
20 Khi tikah tlangbawi Jehoiada fapa Zekhariah kha Pathian thlarau nih a tlunhnawh i mizapi cungah cun a dir i a thawh hna i, “Hi bangin Pathian nih, ‘Zeicahdah Bawipa nawlbia kha nan buar? Cucaah pei khua awng nan pemh khawh lo cu. Nannih nih Bawipa kha nan hlawt caah amah nih an hlawt ve hna,’ a ti,” tiah a ti. Ref 24.20-21: Mat 23.35; Luk 11.51
21 Sihmanhsehlaw an rawi i siangpahrang nawl in amah cu Bawipa inn tual ah khan lung in an cheh.
22 Cuticun siangpahrang a simi Joash nih khan, Zekhariah pa Jehoiada nih a cung i zaangfahnak a rak tuahmi kha a hngal duh lo i a fapa kha a thah. Cun a thih lioah khan, “ Bawipa nih hmu seh law phuhlam ko seh!” tiah a ti.
23 Cu kum a donghnak ah Siria ralkapbu nih khan Joash cu an hung tuk. Judah ram le Jerusalem khua ah khan an ra i mi zapi hna lak khan mi zapi i an bawi hna cu an thah hna i an hranchaw vialte cu Damaskas siangpahrang kha an kuat dih.
24 Siria ralkapbu cu mi tlawmte he an ra ko nain, annih kut chungah khan Bawipa nih ralkapbu nganpi cu a pek hna, zeicahtiah annih nih Bawipa, an pupa hna Pathian kha an hlawt. Cuticun Joash cungah biaceihnak kha an tlunter.
25 Annih nih an tluntak tikah, hma fak ngaingai a ing in an kaltak, tlangbawi Jehoiada fapa thisen ruangah khan a sinum hna nih an rawi i a ihkhun cungah an thah. Cucaah a thi i David khua chungah an vui, sihmanhsehlaw siangpahrang hna thlan ah khan cun an vui lo.
26 Amah a rawitu hna cu Ammon minu Shimeath fapa Zabad le Moab minu Shimrith fapa Jehozabad an si.
27 A fapa hna kong le amah ralchanh in chimmi bia tampi le Pathian inn sak òhannak kong cu Siangpahrang hna Cauk Fianternak cauk ah an i òial. Cun a fapa Amaziah cu amah hmun ah khan a hung bawi.