21
Jehoram Pennak
(2Sia 8.16-24)
1 Jehoshafat cu a pupa hna sinah a it i a pupa hna sinah David khua ah an vui; cun a fapa Jehoram cu amah hmun ah khan a hung bawi.
2 Unau a ngei hna, Jehoshafat fapa hna kha: Azariah, Jehiel, Zekhariah, Azariah, Mikhael le Shefatiah an si; an dihlak hin Judah siangpahrang Jehoshafat fapa an si.
3 An pa nih laksawng ngan pipi sui laksawng, ngun laksawng le mansungmi thilri laksawng kha Judah ram chung i kulhmi khua hna he tiah a pek hna; sihmanhsehlaw pennak cu Jehoram kha a pek zeicahtiah amah cu a fapa upa bik a si.
4 Jehoram cu a pa bawi òhutdan cung i a kai i a feh tikah, a unau vialte cu vainam in a thah hna i Judah ram bawi a cheukhat zong kha a thah hna.
5 Jehoram cu siangpahrang a can tikah kum 32 a si i Jerusalem in kum riat a uk.
6 Cun Ahab innchungkhar nih an tuah bantuk khan, Israel siangpahrang hna lam kha a zul; zeitintiah a nupi cu Ahab fanu a si. Cun Bawipa mithmuh i thil òhalo kha a tuah.
7 Asinain, David sin i biakamnak a sermi ruangah khan le amah le a fapa hna cu zungzal in meiinn kan pek lai tiah bia a kam caah Bawipa nih David innchungkhar kha hrawh a duh lo. Ref 21.7: 1Sia 11.36
8 Amah chan ah cun Edom nih Judah uknak kha a doh i anmah tein siangpahrang an i chiah ve. Ref 21.8: Gen 27.40
9 Cun Jehoram le a ralbawi hna le a rangleng vialte hna cu an i chawk i amah le a rangleng ralbawi a kulhtu hna kha zan ah a tuk hna i an thah hna.
10 Cucaah Edom nih Judah uknak cu nihin tiang hin a doh. Cun kha caan ah khan, Bawipa, an pupa hna Pathian cu a hlawt caah Libnah zong nih khan a uknak kha a doh.
11 Cuhleiah Judah tlang ram ah khan khuahrum bo a ser hna i Jerusalem khuami kha zumhawktlak lo sinak chungah a luhpi hna i Judah mi kha lam a pialter hna.
12 Cun a sinah profet Elijah sinin ca pakhat a ra i, “Hi bangin, Bawipa, na pa David i a Pathian nih, ‘Na pa Jehoshafat lam kha na zulh hna lo i Judah siangpahrang Asa lam zong kha na zulh hna lo i,
13 sihmanhsehlaw Israel siangpahrang hna lam kha na zulh hna i Ahab innchungkhar nih Israel mi an pialter hna bang khan nangmah nih Judah ram mi hna le Jerusalem mi hna kha na pialter hna i nangmah nakin a òha deuhmi na unau hna, na pa innchungkhar mi a simi hna kha na thah hna caah,
14 zohhmanh, na mi hna le na fale hna le na nupi hna le na ngeihmi vialte cungah Bawipa nih rai nganpi a tlunter lai i
15 nangmah cu paw fah zawtnak a fakmi na ngei lai i ni khat hnu ni khat in na ril cu cu zawtnak ruangah cun a chuak lai,’ a ti,” tiah a ti.
16 Cun Ethiopia mi hna pawng i a ummi Filistin mi hna le Arab mi hna thinhunnak cu Jehoram cungah khan Bawipa nih a thawhter i
17 Judah cu an hunhnawh i an chim i siangpahrang inn chung thil a si tiah an hmuhmi vialte le a fapa hna le a nupi hna zong kha an kalpi dih hna i a fapa hniang bik Jehoahaz a 21.17 Jehoahaz cu\xq Ahaziah ti zongin an auh.\x* dah ti lo kha cu fapa pakhat hmanh an nganh ta lo.
18 Cun mah hi thil vialte dih hin Bawipa nih a paw ah a dam kho lomi zawtnak a tlunter.
19 Cun kum hnih hnuah cu zawtnak ruangah cun a ril cu an chuak i nganfak ngaingai in a thi. A mi hna nih, a pupa hna ca i rak tuahmi meiphu bantuk kha an tuah lo.
20 Pen hram a thawk ah kum 38 a si i Jerusalem in kum 8 a pen; cun ahohmanh ngaihchiat loin a thi. David khua chungah khan an vui; sihmanhsehlaw siangpahrang hna thlan ah khan cun an vui lo.