29
Biakinn Saknak Caah Laksawng
1 Siangpahrang David nih aa pummi cu a thawh hna i, “Ka fapa Solomon hi Pathian nih a thimmi cu a si. Asinain amah cu a no rih i a hmuhtonmi a tlawm; sihmanhsehlaw òuan ding vial cu rian nganpi a si òung, zeicahtiah sak ding inn hi minung ca siangpahrang inn a si lo i Bawipa Pathian ca a si. Ref 29.1-2: 1Cha 22.5
2 Cucaah kan Pathian biakinn ca thilri cu ka ti khawh chungin ka damh hna. Sui thilri ca sui, ngun thilri ca ngun, dar thilri ca dar, thir thilri ca thir, thing thilri ca thing kha ka damh hna. Cuhleiah, òamhnak caah oniks lungvar tampi le lung tampi, cun antimoni lungvar, lung a mui a phunphun a simi hna, lung mansung a phunphun le marbal lung kha tampi ka damh hna.
3 Hi vialte hleiah hin keimah pumpak ta chungin sui le ngun kha kan Pathian inn ka òanh caah Pathian biakinn caah cun ka thawh hna:
4 vampang nalhnak caah sui talen 3-000, Ofir sui dakmak, er ciami ngun talen 7-000,
5 cun zungthiam hna tuah awk a simi caah sui thilri caah sui, ngun thilri caah ngun kha ka thawh hna. Cucaah nihin ah hin Bawipa sinah mah le mah i pekchanh in lungtho tein ahodah siannak in a tho vemi nan si lai?” tiah a ti.
6 Cun pale hna innchungkhar lu cio nih khan mah lungtho tein an thawhlawm cu an thawh hna i phun hruitu hna le a thongthong pawl haotu hna le a zaza pawl haotu hna le siangpahrang rian i bawi hna zong nih khan mah bantuk cun an tuah ve.
7 Pathian inn ca rianòuannak caah cun sui talen 5-000 le darikf darik § Persia tangka a si. 10-000, ngun talen 10-000, dar talen 18-000, thir talen 100-000 an pek.
8 Cun lung mansung a ngeimi paoh nih khan Bawipa inn chawhlawn khonnak ah cun an lungvar kha an pek i mah cucu Gershon mi Jehiel nih khan a zohkhenh.
9 Cun mi cu an i lawm, lungtho tein an pek, lung òengnge lo tein thawhlawm cu Bawipa sinah tampi in an pek caah Siangpahrang David zong aa lawm ngaingai.
David Nih Bawipa A Thangòhat
10 Cucaah David nih Bawipa cu aa pummi vialte hmaiah cun a thangòhat i David nih cun, “Maw Bawipa, kan pu Israel i Pathian, nangmah cu zungzal thluangthluan in thangòhat na si ko.
11 Maw Bawipa, lianhngannak le òhawnnak le sunparnak le teinak le upatnak cu nangmah ta an si ko; zeitintiah vancung le vawlei cung i a ummi thil vialte cu nangmah ta an si dih; maw Bawipa, pennak cu nangmah ta a si i nangmah cu zeizong vialte cungah cungnung bik na si. Ref 29.11: Mat 6.13
12 Rumnak siseh, upatnak siseh nangmah sinin a rami an si i nangmah nih zeizong vialte kha na uk dih. Na kut chungah hin òhawnnak le thazang an um i na kut chungah hin mi vialte nganter khawhnak le thazang pek khawhnak a um.
13 Cucaah kan Pathian, nangmah cu kan in lawmh i a sunglawimi na min cu kan thangòhat.
14 “Sihmanhsehlaw hi bantukin kannih nih lungtho tein kan in pekchanh khawh nakhnga caah hin keimah cu ahodah ka si i ka mi hna cu zeidah an si? Zeitintiah zeizong vialte cu nangmah sinin a rami an si i kan in pekmi hi nangmah ta lila a si ko.
15 Zeitintiah kannih cu, kan pupa vialte hna mipem an rak si bantuk khan, na hmaiah khual kan si; vawleicung i kan nunchung ni hna hi thladem bantuk men an si i ruahchannak zeihmanh a um lo.
16 Maw Bawipa, kan Pathian, na min thiang ca i inn pakhat saknak ah thil tampi kan damhmi vialte hna hi, nangmah kut chungin a chuakmi an si i nangmah ta an si dih.
17 Ka Pathian, nangmah nih lung kha na hneksak i dinnak kha na duhmi a si ti kha ka hngalh; ka lung dinnak in hi thil vialte hi lungtho tein kan pekchanh i atu cu hika i a ummi na mi hna nih lungtho te le lunglawm tein an in pekchanh kha ka hmuh cang.
18 Maw Bawipa, kan pu Abraham, Isak le Israel i Pathian, hi bantuk thinlung le ruahnak hi na mi hna chungah hin chia zungzal law annih an lungthin cu nangmah leiah khan hruai ko hna.
19 Ka fapa Solomon nih hin lung òengnge lo tein na nawlbia hna le na hngalhternak bia hna le na phunglam hna kha a zulh hna i a tuah dih hna i ka timhlamh ciami biakinn hi a sak khawh nakhnga, nangmah nih amah cu bawm ko,” tiah a ti.
Solomon Nih David Kha A Chaan
(2Sia 2.10-12)
20 Cun David nih aa pummi vialte hna cu, “ Bawipa, nan Pathian cu thangòhat ko u,” tiah a ti hna. Cun aa pummi vialte nih Bawipa, an pupa hna Pathian cu an thangòhat i an lu an khun i Bawipa cu an biak i siangpahrang cu hmaizahnak an pek.
21 Cun Bawipa sinah khan raithawinak an tuah i, a thaituan ah cawtum 1-000 le tuutum 1-000 le tuufa 1-000 cu, an thlet thawinak hna le an raithawinak hna he khan, Israel mi vialte caah duhdim tein i za in khangh thawinak ah Bawipa sinah cun an pekchanh hna;
22 cun cu ni ah cun Bawipa hmaiah lunglawm ngaiin an ei i an ding.
Cun David fapa Solomon cu siangpahrang ah a voi hnihnak an ser òhan i amah cu Bawipa ca i bawi ah chiti an thuh i Zadok cu tlangbawi caah chiti an thuh.
23 Cun Bawipa siangpahrang òhutdan ah cun Solomon cu a pa David can ah khan siangpahrang in a òhu i a hungcho i Israel mi vialte nih a bia kha an ngaih. Ref 29.23: 1Sia 2.12
24 Haotu vialte le miòhawng hna le Siangpahrang David fapa hna zong nih khan Siangpahrang Solomon sinah zumhawktlak in kan um lai tiah bia an i kam.
25 Cun Bawipa nih Israel mi vialte hna mithmuh ah Solomon cu upatnak ngan a pek i amah hlanah Israel mi chung i siangpahrang ahohmanh a rak pek hna lomi siangpahrang sunparnak kha amah cu a pek.
26 Cuticun Jesse fapa David nih Israel mi vialte cu a pen hna.
27 Israel mi a pen hna chung cu kum 40 a si; Hebron ah kum 7 a bawi i Jerusalem ah kum 33 a bawi. Ref 29.27: 2Sam 5.4-5; 1Cha 3.4
28 Cun upa ngaingai, tartlung nung in, rumnak le upatnak he a thi; cun Solomon a fapa cu amah hmun ah khan a hung bawi.
29 Cun Siangpahrang David tuahsermi hna cu, a hmasa bik in a hmanung bik tiang, hmutu Samuel Chanrelnak ah le profet Nathan Chanrelnak ah le hmutu Gad Chanrelnak ah an i òial,
30 a ukning kong le a òhawnnak le amah cung le Israel mi cung le ram dangdang hna cung i a tlungmi thil vialte hna kong zong kha an i tel ve.