12
Ziklag I David A Bawmtu Hna
1 Kish fapa Saul ruang i David cu duhduh in aa chawh aa leh khawh lo lioah khan mah hna hi David sin i Ziklag khua ah a ummi a mi cu an si; annih hi ral lio i amah a bawmtu miòhawng hna lakah khan an i tel ve.
2 Li hman thiammi an si i thal kah siseh, lungherh cheh siseh, an orhlei kut he an kehlei kut he an thiam; annih cu Benjamin mi, Saul rualchan kha an si.
3 An haotu bik cu Ahiezer a si, a hun changtu cu Joash a si, an pahnih in Gibeah khuami Shemaah fapa an si; Azmaveth fapa Jeziel le Pelet zong; Berakah, Anathoth mi Jehu,
4 Gibeon mi Ishmaiah, amah cu Sawm Thum hna lakah miòhawng a si i Sawm Thum hna cung i haotu a si; Jeremiah, Jahaziel, Johanan, Gederah mi Jozabad,
5 Eluzai, Jerimoth, Bealiah, Shemariah, Haruf mi Shefatiah,
6 Elkanah, Isshiah, Azrel, Joezer, le Jashobeam, mah hna hi Korath mi an si;
7 cun Gedor mi Jeroham fapa hna Joelah le Zebadiah.
8 Gad mi hna chungin a òhawng i a thiam ngaingaimi ralkap hna, phaw hman le fei hman a thiam ngaingaimi, an hmai chiandeih hmai a lo i tlang cung sazuk bantukin a mar a zaangmi hna kha David sinah ramlak i ralhruang ah khan an va kal.
9 Cu hna cu: Haotu bik Ezer, a pahnihnak Obadiah, pathumnak Eliab,
10 palinak Mishmannah, panganak Jeremiah,
11 paruknak Attai, pasarihnak Eliel,
12 pariatnak Johanan, pakuanak Elzabad,
13 pahranak Jeremiah, hleikhatnak Makbannai.
14 Hi Gad mi hna hi ralkap bawi an si, a hme deuh pawl hi za haotu an si i a ngan deuh pawl hi thong haotu an si.
15 Hi hna hi thla khatnak thla i Jordan tiva a kuang vialte a khah dih lio i a tantu, cun cu nelrawn chung i a ummi vialte nichuahlei le nitlaklei i a dawi dihtu kha an si.
16 Cun Benjamin mi tlawmpal le Judah mi tlawmpal cu David sinah ralhruang ah khan an ra.
17 Annih ton awkah khan David cu a va chuak i, “Hawikomhnak in keimah bawmh awkah nan rat a si ahcun, ka lung cu nannih sinah òhit chih a si lai; sihmanhsehlaw ka ral hna sinah, ka kut chungah zeihmanh sualnak a um lo nain, rawi awk i nan rat a si ahcun, kan pupa hna Pathian nih in hmu hna seh law in mawhchiat ko hna seh,” tiah a ti.
18 Khi tikah Sawm Thum hna lak i haotu bik Amasai cungah khan Thlarau a tlung i amah nih cun hi bangin a ti:
“Kannih cu nangmah ta kan si,
maw David;
Maw Jesse fapa, nangmah sin tel
kan si;
Daihnak, daihnak cu na sinah um
ko seh,
Daihnak cu nangmah an bawmtu hna
cungah um ko seh!
Zeitintiah na Pathian nih an bawmh.”
Khi tikah David nih a cohlan hna i a ralkap hna haotu bawi ah khan a ser hna.
19 David cu Saul doh awkah Filistin mi hna he an rat tikah, Manasseh mi cheukhat cu a sinah khan an zam. A ngaingai ti ahcun, Filistin mi kha a bawm hna lo, zeicahtiah Filistin siangpahrang hna nih khan hmasa a bawipa Saul sinah khan a kan lei sual lai ti an phang i Ziklag ah an kirter.
20 Anih cu Ziklag i a kal ah khan hi Manasseh mi hna hi a sin i an zam cu a si: Cu hna cu Adnah, Jozabad, Jediael, Michael, Jozabad, Elihu le Zillethai, Manasseh chung i a thong pawl haotu bik hna kha an si.
21 Annih nih David kha ralhranhtu bu hna doh kha an bawmh; zeitintiah annih cu miòhawng ralòha an si dih i ralkapbu haotu kha an si.
22 Nifate ti awkin mi kha David sinah amah kha bawmh awkah an i fon i ralkapbu nganpi, Pathian ralkapbu bantuk ah a ralkapbu cu a cang.
Hebron Khua I David Ralkapbu
23 Bawipa bia ningin, Saul pennak cu David kha pek awkah amah sinah Hebron khua ah a rami hriamnam a ngeimi ralkap hna an i cheuning cu mahtihin a si.
24 Judah mi phaw le fei aa putmi hna cu hriamnam a ngeimi ralkap 6-800 an si.
25 Simeon mi hna chungin raldohnak ca i ralòhami 7-100.
26 Levi mi hna chungin, 4-600.
27 Aaron innchungkhar chung mi bawi Jehoiada le amah sin i a ummi 3-700.
28 A òhawng i a ral a òhami tlangval Zadok le amah a pa innchungkhar chungin haotu 22.
29 Benjamin mi Saul rualchan hna chungin 3-000, hi hlanah hin cun a tam deuh cu Saul innchungkhar sinah khan an òang.
30 Efraim mi chungin, 20-800, an pale innchungkhar cio ah miòhawng, ralòha le minthang an si.
31 Manasseh phun cheu chungin 18-000, annih cu rat i David kha siangpahrang i ser awkah fiang tein min chim an si.
32 Issakhar chungin, caan a hngalthiammi le Israel nih zeidah a tuah awk a si ti a hngalthiammi haotu bik 200 hna le anmah nih an ukmi hna an phun hawi vialte.
33 Zebulun chungin, a fel taktakmi ralkap 50-000, annih cu David kha tinhmi pakhatte he bawmh awkah ral hriamnam in tling tein an i thuam.
34 Naftali chungin, ralbawi 1-000, an sinah cun ralkap phaw le fei he aa thuammi 37-000 an um.
35 Dan mi chungin, raltuk awk i aa thuammi 28-600.
36 Asher chungin, a fel taktakmi, raltuk awk i timh cia in a ummi 40-000.
37 Jordan khattelei ral i a ummi Reuben mi hna le Gad mi hna le Manasseh phun cheu hna chungin, 120-000, raldohnak hriamnam in tling tein aa thuammi.
38 Hi ralkap vialte hna, raldohnak hmun i chuah awkah timh cia tein a ummi hna cu, David kha Israel siangpahrang ah kan ser hrimhrim lai tiah i tim in Hebron ah an ra; cu bantuk òhiamòhiam in Israel mi vialte hna zong cu David kha siangpahrang i ser awkah lungkhat tein an um.
39 Annih cu David sinah khan ni thum an um i an ei i an ding, zeicahtiah an unau hna nih khan an rak timhtuahpiak hna.
40 Cun an innpa hna zong nih khan, Issakhar le Zebulun le Naftali ram hna tiang i a ummi hna nih khan, laa in le kalauk in le khacer in le cawtum in rawl le ei awk phun tling, theipi car hlum hna, mitsur car bor hna, mitsur hang, chiti, cawtum hna le tuu hna kha an rak phorh hna, zeicahtiah Israel ram chungah lawmhnak a um.