Hakha BibleCHANRELNAK 10 =
10
Saul le A Fapa Hna An Thihnak
(1Sam 31.1-13)
1 Cun Filistin mi hna nih Israel mi cu an tuk hna i Filistin mi hna hmai cun Israel mi cu an zam i Gilboa Tlang ah khan an ril liangluang ko. 2 Cun Filistin mi nih Saul le a fapa hna kha an phak hna i Filistin mi hna nih cun Saul fapa Jonathan le Abinadab le Malkhishua kha an thah hna. 3 Cun Saul cu heh tiah an nam i thalkah thiammi hna nih khan an phak ai; cun thalkah thiam hna nih khan an hliam. 4 Cun Saul nih a ralthuam putu sinah khan, “Na nam kha i zuh law tleng lak in ka chun, cu ti a si lo ahcun, cuarpartanlo pawl hi an ra lai i lentecelhnak ah an ka ser sual lai,” tiah a ti. Sihmanhsehlaw a ralthuam putu nih khan a tuah duh lo; zeicahtiah a thin a phang ngaingai. Cucaah Saul nih amah vainam kha aa lak i a bawhkhuh. 5 Cun a ralthuam putu nih Saul kha a thi cang tiah a hmuh tikah amah zong nih a vainam kha a bawhkhuh ve i a thi. 6 Cuticun Saul cu a thi; amah le a fapa pathum hna le a innchungkhar vialte cu hmun khat ah an thi. 7 Cun nelrawn chungah a ummi Israel mi vialte nih ralkap kha an zam i Saul le a fapa hna kha an thi, ti an theih tikah, an khua kha an chuahtak hna i an zam; cun Filistin mi kha an ra i an khua kha an rawlh hna.
8 A thaizing ah Filistin mi hna nih a thimi kha an thilthuam hawh awk i an rat tikah, Saul le a fapa hna Gilboa Tlang i an thih kha an hmuh hna. 9 A thilthuam kha an hawh i a lu le a ralthuam kha an lak i an siasal hna le mi zapi hna sin i thawng òha cu kalpi awkah Filistin mi ram dihlak ah khan lamkal an thlah hna. 10 Cun a ralthuam cu an pathian hna biakinn ah khan an chiah i a lu cu Dagon biakinn chungah khan an tar. 11 Sihmanhsehlaw Jebesh-gilead mi vialte nih Saul cung i Filistin mi nih an tuahmi vialte kha an theih tikah 12 ralòha vialte cu an tho i Saul ruak le a fapa hna ruak kha an va lak hna i Jabesh ah an ratpi hna. Cun an ruh cu Jabesh i kuhthing toiah an vui hna i ni sarih rawl an ul.
13 Cuticun zumhawktlak a si lo ruangah Saul cu a thi; Bawipa sinah zumh tlak a si lonak cu Bawipa nawlbia a zulh lonak kha le Ref 10.13: Lev 19.31, 20.6; 1Sam 13.8-14, 15.1-24, 28.7-8 14  Bawipa sinin lam hmuhsaknak kawl loin khuavang thitlawnthiam sin tu in lam hmuhsaknak kha a kawl i a hal kha a si. Cucaah Bawipa nih a thah i pennak cu Jesse fapa David sinah khan a pek.
=