SALM 83
Israel Mi An Ral Teinak Ca Thlacamnak
Asaf Hla
1 Maw Pathian, um sawhsawh
ko hlah;
dai zirziar le holh loin um hlah,
maw Pathian!
2 Zohhmanh, na ral cu
an cawl an cang i
nangmah an huatu cu nangmah
doh awkah an i tim len ko.
3 Na mi hna tuknak dingah
a thli in khua an khang i
nangmah nih na huhphenhmi hna
doh awk kha an i tim.
4 An i thawh i, “Israel hi a phun
hloh in hlo u sih,
zungzal in philh si seh,” an ti.
5 An khuakhanmi ah cun
lungkhat in an um i
nangmah doh awkah cun
an òang òi.
6 Cu hna cu, Edom mi, Ishmael mi;
Moab mi, Hagri mi,
7 Gebal mi, Ammon mi,
Amalek mi, Filistia mi le
Tair mi an si;
8 Assiria zong kha an sinah
aa òom ve,
an dihlak in Lot tefa cu
9 Midian mi cungah na tuahmi
bantuk kha
annih cung zongah tuah ve,
Kishon Tiva ah Sisera le
Jabin cung i na tuahmi
bantuk kha
an cungah tuah ko; Ref 83.9: Biac 4.6-22; 7.1-23
10 Sisera le Jabin cu Endor ah
na sunghter hna i
an ruak cu vawlei ah a rop.
11 Oreb le Zeeb cungah na tuahmi
bantuk kha
an ralbawi hna cungah cun tuah ko;
Zebah le Zalmunna na sunghter
hna bantuk khan,
an uktu bawi vialte cu
sunghter ko hna; Ref 83.11: Biac 7.25; 8.12
12 cu uk bawi pawl nih cun
an rak i thawh i,
“Pathian ram a simi cu
kanmah caah kan i lak lai,”
13 Ka Pathian, annih cu leidip bangin
òhek ko hna,
thli nih a choihmi capawl bangin
òhek dih hna.
14 Mei nih tupi kha a kangh i
meizik nih tlang cu a hliau bantukin
15 annih cu òotho in dawi hna law
thlichia in òhih ko hna.
16 Maw Bawipa, na min lianngan kha
an phuan hlan tiang,
ningzahnak cu an lu cungah
khinh luaimai ko hna.
17 Sung hna seh law therphang zungzal
in um hna seh,
ningzak hmaichia in thi hna seh.
18 Nangmah lawnglawng hi Bawipa
na si le vawlei dihlak uktu,
Cungnung Bik na si kha
hngal hna seh!