SALM 71
Tarpa Thlacamnak
1 Maw Bawipa, nangmah cu
kaa dornak hmun na si,
zeitikhmanh ah ningzahnak
ka phakter hlah!
2 Na din caah ka hram law
ka chanh ko,
ka bia ka ngaihpiak law
ka khamh tuah.
3 Ka caah himnak lungpi si law
a fekmi ralhruang
a ka hupphengtu si ko;
nangmah cu ka himnak lungpi le
4 Ka Pathian, miòhalo hna kut chungin
ka khamh tuah,
mipuarhrang le miding lo hna
kut chungin ka khamh ko.
5 Bawipa, nangmah cungah
ka ruahchannak vialte kha
ka chiah,
ka no lio tein nangmah cu
kan bochan zungzal.
6 Ka nun chung vialte nangmah cu
kan hngatchan;
ka chuahka in nangmah nih
na ka huhphenh zungzal;
nangmah cu a zungzal in
7 Ka nunnak hi mi tampi caah cun
khuaruahhar a si,
sihmanhsehlaw nangmah cu
a òhawngmi a ka hupphengtu
na si.
8 Chun nitlak in kan thangòhat i
na sunparnak cu ka chim.
9 Atu cu a tar cang aipat tiin
ka hlaw sawh hlah,
san a tlai ti ualpat lo tiin
ka kaltak hlah.
10 Ka ral nih cun thah an ka duh,
an i ceih i keimah thahnak ding
khua kha an khaan.
11 An i thawh i, “Pathian nih
a hlawt cang,
dawi u sih law tlai u sih;
zeicahtiah a chanhtu ding
ahohmanh an um lo,” an ti.
12 Maw Pathian, lamhlatpi ah
ka umtak hlah;
ka Pathian, atu ah ka bawm ko.
13 A ka dohtu pawl kha sung hna
seh law rawk hna seh.
Ka cungah fahnak tlunter
aa zuammi kha
ningzahnak le hmaichiatnak
phan hna seh.
14 Nangmah cungah ka ruahchannak
vialte cu ka chiah dih ko lai,
nangmah cu kan thangòhat chin
lengmang lai.
15 Na dinnak kong kha ka chim lai i
na khamhnak kha chun nitlak
ka thanh lai;
na khamhnak cu ka hngalh khawh
leng a si nain ka thanh lai.
16 Bawipa Pathian, na òhawnnak cu
ka thangòhat lai,
na dinnak, nangmah dinnak
lawnglawng kha ka thanh lai.
17 Ka no lio tein nangmah nih
na ka cawnpiak i atu tiangin
khuaruahhar na tuahmi kha
ka chim lengmang ko.
18 Atu cu a tar i a sam a par cang
aipat tiin
ka kaltak hlah, maw Pathian.
Hmailei chan a ra ding vialte sinah
na òhawnnak le
na lianhngannak ka chimnak
dingah hin
19 Maw Pathian, na dinnak cu
van khi a phan.
Thil lianngan tampi na tuah hna,
nangmah bantuk ahohmanh
an um lo.
20 Ka cungah harnak le
nganfahnak kha na tlunter,
sihmanhsehlaw nangmah nih
ka thazang kha na ka pek
òhan lai i
thlan chungin na ka khamh lai.
21 Hmasa nakin a ngan chinchin ah
na ka ser lai,
nangmah nih hnangamnak
22 Tingtang in nangmah cu
kan thangòhat lai,
Ka Pathian, zumhawktlak
na sinak cu ka thangòhat lai.
Maw Israel Mi Thiang,
ka tingtang in
nangmah thangòhatnak hla cu
ka sa lai.
23 Nangmah thangòhat in tingtang
ka tum pah in
lunglawm in ka au lai,
nangmah nih na ka khamh caah
ka minung sinak a dihlak in
kan thangòhat lai.
24 Chun nitlak in na dinnak kha
ka chim lai, zeicahtiah
harnak pek a ka duhmi kha
an sung cang i
ningzahnak an phan cang.