SALM 7
Luatnak Ca Thlacamnak
David Hla
1 Maw Bawipa ka Pathian,
nangmah cu ka himnak na si;
a ka dawitu vialte hna sin hin
ka khamh law ka chanh tuah.
2 Cu ti na ka khamh lo ahcun
ahohmanh khamhtu ngei loin,
chiandeih bantukin an ka hnuh lai i
an ka thleh an ka bauh dih ko lai.
3 Bawipa ka Pathian,
mi cungah òhat lonak tuah le
4 hawikom rawi le zei ruangah
ti awk um set loin
ral cungah òhat lonak tuah hi,
hi hna lakah hin pakhatkhat
ka tuah a si ahcun,
5 Ka ral nih ka dawi hna seh law
ka tlai hna seh,
ka tu hna seh law ka that hna seh,
vawlei ah nunnak ngei loin
ka hril ta hna seh! Selah
6 Na thinhun in tho tuah, maw Bawipa,
ka ral hna thinhunnak kha
doh awkah dir tuah.
I hlau law ka bawm tuah,
zeicahtiah na duhmi cu ding tein
biaceih kha a si.
7 Mi vialte kha na velchum ah
pumhter hna law
annih cu cunglei khan run uk hna.
8 Bawipa, nangmah cu mi vialte
biaceihtu bawi na si.
Kei cu miòha le a sual lomi ka si caah
keimah lei òanh in biakhiahnak kha
9 Miòhalo hna òhat lonak cu
kham law miòha cu laksawng in
lehrul ko hna.
Nang cu a dingmi Pathian na si i
minung lungthin le duhnak vialte
a hngal dihtu na si. Ref 7.9: Biat 2.23
10 A ka hupphengtu cu Pathian a si,
amah nawl a ngaimi cu
a khamh hna.
11 Pathian cu a dingmi biaceihtu a si,
miòhalo kha sual a phawt
12 Mi cu an i ngaihchih lo ahcun
Pathian nih a nam aa tat lai.
A likuk kha aa hruai i
kah colh dingin aa tim;
13 A hmual a fak ngaimi a hriam kha
aa lak hna i
meialh bantuk a simi
a cantiang kha aa tinh hna.
14 Miòhalo nih thil òhalo a tuaktanning
kha ruat hmanh;
harnak chuahter ding kha khua
a khan i hlennak kha a tuah.
15 Vawlei ah khan khor thukpi
a cawh i
amah lila kha a cawhmi khor ah
cun a tla.
16 Cuticun amah òhat lonak lila
nih khan harnak a pek i
amah puarhrannak lila nih khan
17 Bawipa cu dinnak a tuahmi ruangah
ka lawmh lai,
Cungnung Bik Bawipa cu hla in
ka thangòhat lai.