SALM 69
Harnak Caan Thlacamnak
David Hla
1 Maw Pathian, ka khamh ko sawh!
Ti nih ka hngawng tiangin
a ka phum cang.
2 A thukmi nawncek chungah
ka pil cuahmah i lamh awk
a fekmi hmun a um lo.
A thuhnak hmun ka phan cang i
tilet nih an ka phum
dengmang cang.
3 Ka bawm tuah tiin ka aunak ah
ka baa cang i ka or zong
a fak dih cang;
bawmhnak a ka pe lai maw tiin
ka mithram cat in kan zoh.
4 Zei ruang lo ah a ka huatu hna cu
ka lu cung sam nakin an tam deuh,
ka ral an sinak kongah
lih a chimmi hna cu
an òhawng i thah an ka duh.
Ka fir lomi thil kha an ka chamter. Ref 69.4: Slm 35.19; Jhn 15.25
5 Maw Pathian, ka sualnak cu
nangmah sinin an i thup kho lo;
zeitluk in dah ka hruh cu
na hngalh ko.
6 Maw Lianngan Bik Pathian Bawipa,
nangmah an bochantu hna cungah
ningzahnak ka tlunter nakhnga lo
ka bawm.
Maw Israel Pathian, nangmah
an biatu hna cungah hmaichiatnak
ka tlunter nakhnga lo ka bawm.
7 Nangmah ruangah nihsawhnak
ka hmuh hi a si i
nangmah ruangah ningzahnak nih
a kan khuh hi a si.
8 Ka unau hna sinah khual ah
ka cang i
ka nu fale hna sinah ramdangmi ah
9 Na biakinn ka òanhnak hi ka chungah
mei bantukin a alh i
nangmah an in nihsawhnak kha
keimah cungah a tla. Ref 69.9: Jhn 2.17; Rom 15.3
10 Rawl ulhnak in toidornak lungthin
ngeih kaa zuam i
asinain mi nih an ka nihsawh
òhiamòhiam.
11 Zuun ngaihnak thuam in kaa thuam i
capo ah an ka saih.
12 Zatlang lam ah ka kong an ka ceih i
13 Asinain kei cu na sinah
thla ka cam ko lai,
Maw Bawipa;
a nganmi na dawtnak ruangah
ka let law,
kan khamh lai tiah na ka kammi
ruangah ka let ko sawh,
na duh tik caan ah nangmah nih
ka let ko, Maw Pathian.
14 Nawncek chung ka tlaknak khan
ka chuah ko,
ka ral hna kut chungin ka huppheng
ko law a thukmi ti chungin
him tein ka chuah ko.
15 Tilian cu ka fenhter sawh hlah;
a thukmi ti chungah cun
ka pilter sawh hlah,
thlan chungah cun ka tlakter
16 Maw Bawipa, a fekmi na dawtnak
òhatnak thawngin
ka thlacamnak cu ka let law,
zawnruahnak ngan na ngeihmi
thawngin keimah leiah i mer ko.
17 Na sal hi ka thuhtak hlah;
harnak nganpi ka tong § atu
hrimhrim ah ka let ko sawh!
18 Ra ka zuanhnawh law ka khamh tuah;
ka ral hna kut chungin
19 Zeitluk in dah an ka nihsawh i
hmaichiatnak le ningzahnak
ka huah kha na hngalh;
ka ral cu na hmuh dih ko hna.
20 An ka serhsat tuk caah ka lung zong
a rawk dih;
zeihmanh ka tuah kho ti lo.
An ka zaangfah rua lai tiah
ka rak ruah,
sihmanhsehlaw zaangfahnak
zeihmanh ka hmu lo;
a ka hnemtu an um rua lai tiah
ka rak ruah,
sihmanhsehlaw ahohmanh
an um lo.
21 Ka rawl a òam tikah sivai tu
an ka pek,
ka ti a hal tikah ti thor
an ka dinh. Ref 69.21: Mat 27.48; Mar 15.36; Luk 23.36; Jhn 19.28-29
22 An puai cu anmah rawhnak ah
cang seh law
an i nuamhnak cu anmah tluknak
ah cang ko seh. Ref 69.22-23: Rom 11.9-10
23 An mit cawtter hna law khua hmu
kho hna hlah seh;
an keng cu derthawm zungzal
hna seh.
24 Na thinhunnak cu toih hna law
na thinlinhnak nih phan hna seh.
25 An riahhmun cu chuahtak hna
seh law an thlam chungah
a nungmi pakhat hmanh
tang hna hlah seh. Ref 69.25: Lam 1.20
26 Dan na tat cangmi kha an hrem
chinchin hna i
nganfahnak na inter cangmi hna
kha an thangchiat hna.
27 An sualnak kha cazin chungah
i khumh dih law
na khamhnak chungah covo
zeihmanh ngei hna hlah seh.
28 An min cu a nungmi minung cazin
khan hloh si hna seh;
na mi hna min cazin chungah
i tel hna hlah seh. Ref 69.28: Exo 32.32; Biat 3.5; 13.8; 17.8
29 Sihmanhsehlaw kei cu harnak chung
le temhinnak chungah
ka um i cucaah cun
ka cawi law ka khamh tuah,
30 Pathian cu hla in ka thangòhat lai,
a lianhngannak cu ka thanh lai i
amah cungah kaa lawmhnak cu
ka chim lai.
31 Hi nih hin Bawipa cu cawtum
pekchanh nakin a lawmhter deuh lai i
cawtum kum tlingmi pekchanhnak
hmanh in a lawmhter deuh lai.
32 Cu thil cu serhsatnak a ingmi nih
an hmuh tikah an i lawm lai;
Pathian a biami cu lung òhawnnak
thar an hmu lai.
33 Sifahnak le retheihnak a ingmi hna
thlacamnak cu Bawipa nih a ngaih i
thong chungah a ummi hna kha
34 Van le vawlei hna, Bawipa cu
thangòhat tuah u,
rili le a chung i a ummi
thil vialte hna,
Bawipa cu thangòhat tuah u.
35 Zion cu a khamh lai i
Judah ram chung khua cu
a remh òhan hna lai;
a mi cu cuka ah cun khua an sa lai i
ram cu an co lai;
36 a sal hna an tefa nih an co lai i
amah a dawmi kha cuka ah cun
an um lai.