SALM 65
Lawmhnak le Thangòhatnak
David Hla
1 Maw Pathian, nang cu kan
thlacamnak a kan lettu
na si caah
2 Zion ah kan in thangòhat lai i
na sinah bia kan i kammi kha
kan in pek lai.
3 Mi vialte nih an sualnak cu
na hmaiah an phuan lai:
kan sualnak cu kan caah
a rit tuk hringhran,
nangmah lawnglawng nih
na kan thianhpiak khawh.
4 Nangmah nih na thimmi hna cu
an lung aa lawm,
na hmunthiang ah
na umtermi hna cu
mi lunglawm an si!
Na inn chung i a ummi thil òha cu
kan khim lai i
a thiangmi na biakinn chung
thil òha cu kan i zaa lai.
5 Maw Pathian, kan Khamhtu,
thla kan cam tikah na kan leh i
khuaruahhar thil na tuahmi in
na kan khamh.
Vawleicung mi vialte le a hla bik
rili ral i a ummi hmanh nih
an in bochan.
6 Na òhawnnak in tlang pipi hna cu
an umnak hmun ah khan
na umter hna i
a òhawngmi na lianhngannak cu
na langhter.
7 Rili thawng cu na daihter i
tilet thawng cu na nemter;
mi au thawng cu na daihter.
8 Thil lianngan na tuahmi hna
ruangah
vawlei cu a dihlak in
a thin a phang.
Vanhramdeng in
vanhramdeng tiang
na tuahmi thil kha mi nih
9 Ram cu na dawt caah a cungah
ruah na surter;
na rumter i a vawlei na òhatter.
A chung i na umtermi tiva cu
an kao bal lo,
cu tiva hna nih cun rawl
a phunphun an chuahter §
cucu nangmah tuahmi a si.
10 An thuanmi lo cu ruah ti na pek i
ciap tein ruah nih cun a surh;
vawlei cu na nemter i
thlaikho kha na òhanter hna.
11 Na òhatnak nih kum òha a vuiter.
Na kalnak paoh ah rawl
tampi a um.
12 Saòil tlonnak hmun cu saòil run in
an khat i tlangpang hna cu
lawmhnak in an khat.
13 Ram hnonak hmun cu
tuu in an khat i
nelrawn cu facang in an khat;
lunglawmhnak in
an au i hla an sa.