SALM 60
Phung Ning Luatnak Ca Thlacami Hebru holh ah cun, hi hla hi David hla a si; Naharaim i a ummi le Zobah i a ummi Armenean mi hna he an i tuk i a phuahmi a si, cu tuknak ah cun a ralbawi Joab nih Edom mi thong hleihnih a thah hna, a thah hnanak hmun cu Cite Nelrawn a si, ti a si.
(Slm 108.6-13) Ref 60 A tlangpi: 2Sam 8.13; 1Cha 18.12
1 Maw Pathian, na kan hlawt cang i
kan ralhau kha
na chimh dih cang hna;
kan cungah na thin a hung §
sihmanhsehlaw atu cu kanmah leiah
i mer ko sawh.
2 Vawlei kha na hninhter i na kahter;
atu cu a hma kha damter òhan ko,
zeicahtiah kuai dih aa zal cang.
3 Na mi cu temhnak tampi na kan inter,
a kan rittertu zu kha na kan dinter.
4 Nangmah an òihmi hna caah
hmelchunhnak na phun,
sihmanhsehlaw an i let i an ral hna
sin khan an zam òhiamòhiam. Selah
5 Na òhawnnak in kan khamh tuah;
kan thlacamnak kha kan let tuah,
cuticun na dawtmi hna hi
6 Pathian nih a hmunthiang
chungin aa thawh i,
“Shekhem cu ka tei lai i ka cheu lai,
cun Sukkoth Nelrawn cu
ka mi kha ka phawt hna lai.
7 Gilead cu keimah ta a si,
Manasseh zong keimah ta a si,
Efraim cu ka luchin a si i
Judah cu ka bawifung a si.
8 Sihmanhsehlaw Moab cu
ka kut òawlnak kheng ah
ka hman lai i
Edom cu ka kedan chiahnak
kuang ah ka hman lai.
Filistin nih hin, amah cu ka tei lai i
ka au lai, tiin aa ruah dahra?”
9 Maw Pathian, aho nih dah
ralhau a ngeimi khua chungah
a ka luhpi lai?
Aho nih dah Edom ah
a ka kalpi lai?
10 Na kan hlawt taktak ko cang maw?
Kan ralkap cu na kalpi ti hna
lai lo maw?
11 Minung bawmhnak cu zeihmanh
a òhathnem lo caah
kan raldohnak ah hin nangmah nih
kan bawm ko.
12 Pathian kan sinah a òan caah
kan tei hna lai;
kan ral cu amah nih
a kan teipiak hna lai.