SALM 57
Hremnak Chungah Hnangamnakg Hebru holh ah cun, hi hla hi David nih Saul sinin a zam i lungkua chungah aa thuh hnu i a òialmi a si, tiin a um.
(Slm 108.1-5) Ref 57 A tlangpi: 1Sam 22.1; 24.3
1 Ka zaangfah ko, Maw Pathian,
ka zaangfah ko,
himnak hmuh duh ah nangmah cu
kan fuh.
Thlichia òihnung a dih hlantiang,
na thlazung in ka huppheng ko.
2 Cungnung Bik Pathian cu ka auh,
ka herhnak vialte a ka petu
Pathian cu ka kawh.
3 Vancung khin a run ka leh lai i
a ka khamh lai;
a ka dohtu kha a sunghter hna lai.
Pathian nih cun a fekmi a dawtnak le
zumhawktlak a sinak kha
ka cungah a langhter lai. Selah
4 Mi seh hmang chiandeih hna
lakah ka it,
an ha cu fei le thal bantuk an si,
an lei cu kawngthun har bantuk
5 Maw Pathian, na lianhngannak cu
van ah khin langhter law
na sunparnak cu vawlei cung
dihlak ah hin langhter ko.
6 Ka ral nih keimah foihnak ah
sur rap an chiah,
lungretheihnak nih a ka tei;
ka kalnak lam ah khor an cawh,
sihmanhsehlaw anmah tu an tla. Selah
7 Ka lung a hmun ko, maw Pathian,
ka lung a fek ko;
nangmah thangòhatnak hla
ka sa lai.
8 Ka nunnak, i hlau tuah,
ka tingtang le ka thonglawi hna,
i hlau tuah u.
Zinglei cu ka òhangh lai.
9 Maw Bawipa, miphun hna lakah
kan lawmh lai,
mi vialte hna lakah
kan thangòhat lai.
10 A fekmi na dawtnak cu
vancung tiang a phan,
zumhawktlak na sinak cu
van a tawng.
11 Maw Pathian, na lianhngannak cu
van ah khin langhter law
na sunparnak cu vawleicung
dihlak ah hin langhter ko.