SALM 54
Ral Kut Chungin Himnak Ca Thlacamnake Hebru holh ah cun, hi hla hi David nih Zif mi pawl nih David cu kan ram ah aa thup ko ti in Saul an va chimh i a òialmi a si.
David Hla
(1Sam 23.19; 26.1)
1 Maw Pathian, na òhawnnak in
ka khamh ko;
na thazang in ka luatter ko.
2 Maw Pathian, ka thlacamnak hi
ka theihpiak tuah,
ka chimmi bia hi ka ngaihpiak tuah!
3 Mi lungpuam hna cu keimah
doh awkah an ra,
mipuarhrang hna nih thah
an ka zalh §
Pathian zei i a rel lomi hna nih
khan thah an ka zalh. Selah
4 Pathian cu a ka bawmtu a si kha
ka hngalh,
Bawipa cu a ka chanhtu a si kha
ka hngalh.
5 Pathian nih ka ral cu anmah
òhat lonak lila khan
dantat ko hna seh!
Amah cu zumhawktlak a si caah
6 Bawipa, nangmah cu na òhat caah
lunglawm tein thawinak cu
kan pek lai i
na sinah lawmhnak ka langhter lai.
7 Ka harnak vialte chungin
na ka chuah i
ka ral an sungh cu ka hmuh hna.