SALM 51
Ngaihthiamnak Thlacamc Hebru holh ah cun, David nih hi hla hi, Bethsheba he an sual i Nathan nih a sik hnuah khan a òial, ti a si.
(2Sam 12.1-15)
1 Pathian, a fekmi na dawtnak
ruangah ka cungah
zaangfahnak ngei ko;
na zaangfahnak a ngan caah
ka sualnak cu ka thianhpiak
ko hna.
2 Ka òhat lonak cu ka òawlpiak
hna law
ka sualnak cu ka thianhpiak ko hna.
3 Ka palhnak cu kaa hngal i
ka sualnak cu kaa thei zungzal ko.
4 Ka sualnak cu, nangmah cungah,
nangmah cung hrimhrim ah a si i
a òhalo ah na ruahmi kha ka tuah.
Cucaah cun bia na ka ceih tikah
na hmaan ko i
sual na ka phawt tikah na ding ko. Ref 51.4: Rom 3.4
5 Sual cia in hrin ka si,
ka nu nih a ka pawi ah khan,
6 Zumhawktlak lungthin hi
na duhmi a si,
ka lung chung hi na fimnak in
khahter ko.
7 Ka sualnak cu ka hnawhpiak law
ka thiang lai,
ka òawl law hawhra nakin
ka rang deuh lai.
8 Lunglawmhnak le thanuamnak aw
thawng cu ka theihter law
na ka khiah i na ka hrilh cang nain
ka lung aa lawm òhan lai.
9 Ka sualnak cu na mit chinhkanh ko
hna law
ka òhat lonak vialte cu
ka hnawhpiak dih ko hna.
10 Maw Pathian, ka chungah hin
lungthin thar ka serpiak law
a thar le zumhtlak a simi ruahnak
ka chungah chia ko.
11 Na umnak hmun khan ka òhawl hlah,
na thiang thlarau kha
ka lakkanh hlah.
12 Na khamhnak chungin a chuakmi
lawmhnak kha ka pe òhan law
ka lungthin cu nangmah nawl zulh
duhmi ah ser ko.
13 Cu tikah misual mi kha na nawlbia cu
ka cawnpiak hna lai i
nangmah leiah an i mer òhan lai.
14 Maw Pathian, ka khamhtu,
ka nunnak hi ka zuah ko
sawh law,
na dinnak hi lunglawm tein
ka thanh lai.
15 Maw Bawipa, biachim
ka bawm law
nangmah cu kan thangòhat lai.
16 Raithawinak hi na duhmi an si lo,
rak si hna seh law cu ka rak
in pek ko hnga;
na lawmhmi cu khangh thawinak
zong hi a si lo.
17 Ka raithawinak cu toidornak lungthin
hi a si, maw Pathian,
toidornak lungthin le nawl ngaimi
lungthin hi na hlaw lai lo.
18 Maw Pathian, Zion cu zaangfah law
bawm tuah;
Jerusalem kulhnak vampang cu
remh òhan hna.
19 Khi tikah ahmaanmi raithawinak le
khangh thawinak hna ah cun
naa lawm lai i
na biakòheng cungah cawtum cu
an thawi hna lai.