SALM 5
Huhphenhnak Ca Thlacamnak
David Hla
1 Maw Bawipa, ka bia hi ka ngaihpiak
hna law
ka aihramnak hi ka theihpiak
tuah hna.
2 Ka Siangpahrang le ka Pathian,
ka thlacamnak hi ka ngaihpiak tuah.
Bawipa nangmah sinah thla
ka cam lai;
3 Zinglei ah ka aw kha na ka theihpiak:
nichuak kate ah na sinah thla
ka cam tawn i
na ka lehnak kha ka hngah tawn.
4 Nang cu òhat lonak tuahnak ah
aa lawmmi Pathian na si lo i
na hmaika ah òhat lonak umter kha
na duh lo.
5 Miporhlaw cu na ing kho hna lo i
miòhalo cu na huat hna.
6 Lihchim mi cu na hrawh dih hna i
mipuarhrang le mihlenhmang cu
na nautat hna.
7 Sihmanhsehlaw kei cu na dawtnak
a nganmi thawngin
na inn chungah ka ra lut kho;
a thiangmi na biakinn chungah
nangmah kan bia kho i
na hmaiah ka kun kho.
8 Bawipa, ral tampi ka ngei,
na duhnak tuah awkah ka hruai law
na lam cu ka zulh khawh nakhnga
ka hmaiah na lam cu pheiter ko.
9 Ka ral nih an chimmi bia cu
zeitikhmanh ah zumh khawhmi
bia an si lo,
Zeicahtiah annih cu mi hrawh
lawnglawng kha an duh;
an kaa cu chilh lomi thlan bantuk
a si i
an bia cu hlennak bia le nal bia
lawnglawng an si. Ref 5.9: Rom 3.13
10 Maw Pathian, annih cu sual
phaw hna law dantat hna,
an i timhmi thil òhalo cu
tlinter hlah.
An sualnak a tam ca le nangmah
an in doh caah
annih cu na hmaika in òhawl hna.
11 Nangmah ah himnak a hmumi cu
an i lawm lai i
lawmhnak in hla an sa zungzal lai.
Nangmah an dawmi cu
na huhphenh hna,
nangmah thawngin lawmhnak
taktak an hmu.
12 Bawipa, na nawl a ngaimi cu
thluachuah na pek hna,
na zaangfahnak nih phaw bantukin
a huhphenh hna.