SALM 49
Rum I Bochan Pakpalawng A Si
1 Mi vialte hna, hihi thei tuah u,
Khuazakip i a ummi hna,
ngai tuah u,
2 a hme a ngan, a rum sifak,
nan dihlak in ngai tuah u.
3 Ahmaanmi khua ka ruat lai i
a fimmi bia ka chim lai.
4 Bia thuk kha ka ruat hna lai i
tingtang tum pah in a sullam kha
5-6 Ka ral miòhalo hna, an rumnak
aa bochan i
an chawva aa porhlawmi nih
an ka dum tikah
ka thin a phang lo.
7 Minung nih cun zeitikhmanh ah
amah le amah aa tlan kho lo;
a nunnak man kha Pathian
a cham kho lo;
8 zeicahtiah minung nunnak man cu
a sung tuk.
A pek khawhmi cu
9 thlan chungin a luattertu le zungzal in
a nuntertu ah a zaa bal lai lo.
10 Hihi philh hlah: mifim zong mihrut
bantukin an thi ve ko lai i
an chaw le an va cu an fale kha
an roh ve ko hna lai.
11 Thlan cu zungzal in an umnak ding
hmun a si ko lai i
cuka ah cun a zungzal in
an um ko lai.
Hmun le ram kha an rak ngei
ko lai nain
an chaw le an va cu
midang sin i an kaltak a hau
òhiamòhiam ko lai.
12 Mi cu a lianhngannak nih thihnak in
a khamh kho lo;
saram bantukin a thi ve ko lai.
13 Anmah le anmah aa bochanmi,
an rumnak cung i a hna a ngammi
hna khi
an cungah zeidah a tlung ti kha
14 Tuu bantukin a thi dingin ruah
an si cang i
an tuukhal cu thihnak a si lai.
Miding mi nih khan zinglei ah
an tei hna lai i
mithi hna ram ah an pum cu
a thu a man lai,
cuka cu an inn in aa hlatmi
hmun a si lai.
15 Sihmanhsehlaw kei cu Pathian nih
a ka khamh lai;
thihnak òhawnnak chungin
16 Mizeimaw nih a rum i
a chawva kha a òhan chin
lengmang tikah,
na thinphang hlah;
17 a thih tikah zeihmanh aa phorh
kho hlei lai lo,
a chawva nih thlan ah an zul
kho lai lo.
18 Hi vawleicung a nun chungah hin
saduhthah in nung kho
hmanh seh law
khua awng a ton ruangah
thangòhatnak hmu
hmanh seh law
19 a thi cangmi a pupa hna sinah khan
a kal ve ko lai i
cuka cu zungzal in muihnak
a umnak hmun a si ko.
20 Mi cu lianhngannak nih thihnak in
a khamh kho lo;
saram bantukin a thi ve ko lai.