SALM 47
Uktu Bawipa Ngan Bik
1 Mi vialte hna, lunglawm in
nan zapei beng tuah u,
hla dawhdawh in Pathian cu
thangòhat u!
2 Cungnung Bik Bawipa cu
òih awk a si, amah cu
a liannganmi siangpahrang
vawlei cung vialte uktu a si.
3 Mi kip kha kan tangah a chiah hna i
miphun hna uknak kha a kan pek.
4 Kan umnak ram hi amah nih
a kan thimpiakmi a si;
a dawtmi a mi nih kan i uanthlar
5 Pathian cu a bawiòhutdan cungah cun
a hung kai;
Bawipa a hung kai lioah cun
lunglawmhnak au thawng le
muko tum thawng a thang.
6 Pathian cu hla in thangòhat tuah u,
kan siangpahrang cu
thangòhat tuah u.
7 Pathian cu vawlei cung dihlak
siangpahrang a si;
amah cu hla in thangòhat tuah u.
8 A thiangmi a bawiòhutdan cungah
Pathian cu a òhu,
miphun kip kha a uk hna.
9 Miphun dang hna an uktu bawi
hna cu,
Abraham Pathian mi hna bang khan
hmunkhat ah an i pum.
Ralkap vialte hna phaw cu
Bawipa ta an si;
amah nih zeizong vialte kha
a uk dih.