SALM 40
Thangòhatnak Hla
(Slm 70.1-5)
David Hla
1 Bawipa bawmhnak cu ka hngak
lengmang i
a donghnak ah ka aunak cu
a ngaih i a theih.
2 Òih a nungmi khor chung khan
a ka chuah,
nawncek khor chung khan
a ka chuah,
Him tein lungpi cungah khan
a ka òhutter i
fek tein a ka umter.
3 Hla thar kha a ka cawnpiak,
ka Pathian thangòhatnak hla kha
a ka cawnpiak.
Hi thil cu mi tampi nih an hmuh lai i
Bawipa kha an i bochan lai.
4 Bawipa kha aa bochan i
siasal leiah aa mer lo i
pathian taktak a si lomi a biami hna
sinah aa fon lomi cu
lunglawmmi an si.
5 Maw Bawipa ka Pathian,
nangmah nih
kan caah thil tampi na tuah;
nangmah bantuk ahohmanh
an um lo.
Nangmah nih lam òhaòha tampi
khua na kan khanpiak.
An dihlak in chim i tim ning law
a chim hmanh
ka chim cawk hna hnga lo.
6 Raithawinak le pekchanhmi thil hi
na duhmi an si lo,
biakòheng cungah a pum in
khanghmi thawinak sa hi
na kan halmi a si lo,
kan sualnak thianhnak ca i
raithawinak tuah zong hi
na kan halmi an si lo,
asinain nangmah nih khan
na bia kan theih khawh nakhnga
ding caah hna tu kha
na kan pek i Ref 40.6-8: Heb 10.5-7
7 cucaah cun, “Hika ah hin
ka um ko;
keimah cawnpiaknak ding caah
na chiahmi cu
Nawlbia cauk chungah
an um ko.
8 Ka Pathian, zeitluk in dah
na duhnak tuah cu ka duh!
Na cawnpiaknak cu ka lung
chungah kaa chiah hna,”
9 Bawipa na mi an i pumhnak ah,
na kan khamhnak
thawng òha kha ka chim.
A chim cu a ngol in ka ngol bal lai lo,
ti kha na hngalh.
10 Khamhnak thawngòha hi keimah ca
lawngah kaa chiah bal lo,
zumhawktlak na sinak le
na kan bawmhnak hi
ka chim zungzal.
Na dawtnak a fekmi le
zumhawktlak na sinak hi
na mi vialte an i pumhnak ah
11 Bawipa, ka cungah na zaangfahnak
a dong lai lo ti kha ka hngalh.
Na dawtnak le zumhawktlak
na sinak nih him tein
an ka umter zungzal lai.
Bawmh Halnak Thlacam
(Slm 70)
12 Harnak tam tuk nih an ka dum §
a rel in rel cawk an si lo.
Ka sualnak nih a ka phak cang i
khua ka hmu kho ti lo;
ka lu cung sam nakin ka sualnak cu
an tam deuh,
ka lung òhawnnak a dih cang.
13 Bawipa, ka khamh ko sawh,
atu ah ka bawm ko!
14 Thah a ka zalmi kha sung cikcek
hna seh law i tuai dih hna seh.
Harnak ka inmi ruangah
aa lawmmi cu an hnulei ah
i let hna seh law
ningzak in um hna seh.
15 A ka nihsawhtu pawl kha
an sunghnak nih khan lungdong
16 Nangmah sinah a rami vialte cu
lunglawm le thanuam in
um hna seh.
Na khamhnak a duhmi vialte nih,
“ Bawipa cu a lianngan
hringhran ko,” ti zungzal hna seh.
17 Kei cu ka si a fak i ka re a thei,
sihmanhsehlaw Bawipa,
nangmah nih na ka ruah ko.
Nangmah cu ka Khamhtu le
a ka Bawmtu na si §
rau sawh hlah, Maw ka Pathian!